Аҿар рымш амшхәаԥштә аҿар рабиԥара рылшарақәа раарԥшреи рхықәкқәа рынагӡареи  иадҳәалоу еиуеиԥшвм аусхкқәа аҵанакит:

– абизнес адгылара аҭара иазку ауснагӡатәқәа, аҿар рыҩныҵҟа апрофессионалтә еилазаарақәа рыҿиара, жәларбжьаратәи анаукатәии атехнологиатәии апроектқәа рынагӡара, атуризм, аекологиа, уҳәа убас иҵегьы. Аспикерцәа раҳасабала арахь иадыԥхьалан иԥхьагылоу агәаанагарақәа рԥызацәа, аилазаара дуқәа рхаҭарнакцәеи абизнес ампыҵакҩцәеи. Урҭ афорум алахәылацәа анаҩстәи аусура азы агәазҭазаара рыҭара адагьы, доусы ридеиақәа рыҿиара азы хықәкыла абжьгарақәа рыҭара рылшеит.  

Аҿар злацәажәоз азҵаарақәа еиуеиԥшым — IT инаркны атуризм аҟынӡа. Ажәахәқәа рыманы иқәгылон арҭ ахырхарҭақәа рҟны аԥышәа ду змоу аҟазауаа.

Аҿар рымш аусутә мшы апрограмма иалалеит апанельтә дискуссиақәа, аексперттә сессиақәа, аҟаза-иклассқәа, аилазаара дуқәа рхаҭарнакцәа алархәны алекциақәа, уҳәа  30 инарзынаԥшуа егьырҭ аусмҩаԥгатәқәа. Аспикерцәеи аҿари ацифровизациа, ҳаамҭа иақәшәо азанааҭқәеи ҳаԥхьаҟа ицәырҵраны иҟоу азанааҭқәеи атехнологиатә суверенитет аиура,  акиберԥеиԥши агеимификациеи, уҳәа атемақәа рацәаны ирзааҭгылеит.

Жәларбжьаратәи аҿартә економикатә форум аиҿкаара ахахьы иагеит – Афонд Росконгресс.