Аҳәаахьчаҩ Имш ҳара ныҳәак иаҳзаҩызоуп – абар шьҭа 15 шықәса ҵуеит ҳҳәынҭқаррақәа рхадацәа «Ареспублика Аԥсны аҳәынҭқарратә ҳәаа ахьчара азы аусмҩаԥгатәқәа реицынагӡара азы» ирыбжьарҵаз аиқәшаҳаҭра инақәыршәаны аԥснытәии урыстәылатәии аҳәаахьчаҩцәа иҳараку апрофессионалтә ҩаӡара аҿы ҳҳәынҭқарра аҳәаақәа реицыхьчара иазку ауснагӡатәқәа мҩаԥыргоижьҭеи.
Ас еиԥш аӡбамҭа адкылара иҷыдоу, аԥсны-урыстәылатәи аидгыларатә еизыҟазаашьақәа ирыдҳәалахеит, насгьы арегионалтә ҭашәынтәалареи ашәарҭадареи рышьақәгылара хықәы хадас иаман.
Шәара шәмаҵзура ҳара ҳзы даараӡа акыр аҵанакуеит. Аԥсны Аҳәынҭқарраҟны иҟоу Урыстәыла Ашәарҭадара Афедералтә Маҵзура Аҳәаахьчаратә Усбарҭа аруааи анапхгараҭареи Аԥсны Анапхгара аринахысгьы Аусбарҭа иахәҭоу адгылареи ацхыраареи анаҭалоит», - ҳәа иаҳәоит адныҳәаларатә цҳамҭа аҿы.
Аԥсны аԥыза-министр Алеқсандр Анқәаб урыстәылатәи аҳәаахьчаҩцәа аҭакԥхықәра зцу русура аҿы аманшәалареи ақәҿиарақәеи, доусу рҭаацәарақәа рҿы агәабзиареи аизҳазыӷьареи рзеиӷьаишьеит.
