Ф. А. Искандер ихьӡ зху Аԥснытәи аҳәынҭқарратә аурыс драматә театр Новосибирски Барнаули ақалақьқәа рахь агастрольқәа рымҩаԥгара алыршахеит «Росконцерт» инанагӡо Урыстәылатәи Афедерациа акультура Аминистрра апрограмма «Агастроль дуқәа» иабзоураны.
Адныҳәаларатә ажәахә ҟаҵо Новосибирсктәи аобласт акультура Аминистрра ахаҭарнак Иу. Иашкин ишазгәеиҭаз ала, новосибирсктәи ахәаԥшцәа рзы аспектакль «Евгени Онегин» – ахҭыс ду: уаҵәы иазгәарҭо, рашәарамза 6 рзы Алеқсандр Сергеи-иԥа Пушкин диижьҭеи 225 шықәса аҵра аламҭалазтәи ҳамҭоуп.
