Аҟәа. Рашәарамза 4, 2024 шықәса. Аԥсныпресс. Аԥснытәи аспортменцәа аидгьылуаа ҿарацәа VIII Адунеизегьтәи Рыхәмаррақәа (ВИЮС) алагеит Москва ақалақь аҿы рашәарамза 2 рзы. Ахәмаррақәа еиднакылеит 200-ҩык инареиҳаны Аԥсны, Азербаиџьан, Ермантәыла, Белоруссиа, Египет, Замбиа, Индиа, Иорданиа, Испаниа, Ҟазахсҭан, Кипр, Киргизиа, Китаи, Ливан, Македониа, Малаизиа, Молдавиа, Монголиа, Палестина, Сербиа, Сириа, Таџьыкьысҭан, Таиланд, Тунис, Туркмениа, Ҭырқәтәыла, Узбекьысҭан, Швециа, Аладатәи Кореиа, Аахыҵ Уаԥстәыла рҟынтәи аспортсменцәа. Зынӡа ахәмаррақәа ирылахәхоит 450-ҩык аспортсменцәа.
Аицлабрақәа амҵәышәмпыл 3/3, анапылампыл 4х4, ашахматқәа, астолтә ԥкьаҭмпыл, аспорттә еиқәԥара, аӡысра реиԥш иҟоу аспорттә хкқәа рыла имҩаԥысуеит.
Аицлабрақәа раԥхьатәи амш азы аԥснытәи аспортсменцәа амҵәшәмпыл 3×3 аматчқәа ҩба мҩаԥыргеит. Урҭ атурнир афаворитцәа ирыцыхәмаруан. Актәи ахәмарра аҿы аспортсменцәа ириааит уаанӡа хышықәса инеиԥынкыланы арҭ Ахәмаррақәа рҿы аиааира згоз.- Ҟрымтәи акоманда, аҩбатәи ахәмарраҿы – Ҟыргызсҭан акоманда иаҵахеит.
Аԥснытәи ашахматистцәа ркоманда азеиԥкомандатә зшьа аҿы аҩбатәи аҭыԥ ааныркылеит.
Астолтә ԥкьаҭмпыл ахәмарыҩцәа хаҭалатәи аицлабрақәа рҿы актәи афинал аҟынӡа инаӡеит.
Аспорттә усмҩаԥгатә раԥхьатәи амш анхыркәшаха ашьҭахь, ахәмаррақәа ирылаху рзы еиҿкаахет Мрагыларатәи Европа иреиҳау астадион «Лужники» ахь аекскурсиа рзеиҿыркааит. Араҟа Аԥснытәи аспортсменцәа 2018 шықәсазы ашьапылампыл азы Адунеи Ачемпионат афиналтә хәмарра ахьымҩаԥысыз атәыла ихадоу аспорттә арена аинфраструктура зеиԥшроу рбартә алшара роуит.
Аидгьылуаа ҿарацәа VIII Адунеизегьтәи Рыхәмаррақәа (ВИЮС) аҳәаақәа ирҭагӡаны имҩаԥгахоит аконкурс «Диалоги на русском». Уи алахәылацәа аурыс литература, акультура, аҭоурых, агеографиа, аурыс бызшәа, уҳәа амаҭәарқәа рыла рдыррақәа аадырԥшуеит.
Аидгьылуаа ҿарацәа Адунеизегьтәи Рыхәмаррақәа (ВИЮС) 2015 шықәса раахыс имҩаԥысуеит. Урҭ мҩаԥыргоит Урыстәыла аус ацура Ахаҭарнакра, Урыстәылатәи Афедерациа аспорт Аминистрра, апартиа «Урыстәыла акзаара» («Единая Россия»), Урыстәылазегьтәи ашколтә спорт Афедерациа.
