Аҟәа. Рашәарамза 4, 2024 шықәса. Аԥсныпресс. Агуманитартә практикақәа рзы Афедералтә центри «Мир музея» ҳәа ахьӡ змоу ажурнали рыла еиҿкаау, адизаин ашкол «НИУ ВШЭ» алархәны Аԥсны азы алегендақәа рконкурс алагеит.
Алитературатә конкурс алахәылас аҟаларазы аконкурс асаит аҿы иарбоу Аԥҟарақәа рдырра хымԥадатәиуп, аобиектқәа рсиа аҟынтәи алегенда азы аҭыԥ алхтәуп, арҿиаратә дҵа ала прозала алегенда аԥҵатәуп, аконкурс аԥҟарақәа инарықәыршәаны ахештег ацны атекст асоциалтә ҳа «ВКонтакте» агәыԥ «Арм сара сыдгьыл ауп» («Это моя земля») аҿы икьыԥхьтәуп, анаҩс азхьарԥш агәыԥ аацҳамҭақәа рахь идәықәҵатәуп, амодерациа иахыстәуп, аҳамҭа гатәуп, аацҳамҭа аҿы автор идыррарбагақәа арбатәуп, аконкурс алахәхаразы азыҳәамҭа еиқәыршәатәуп, аперсоналтә дыррақәа раиуразы азини алицензиеи гатәуп.
Аусумҭақәа рыдыркылоит цәыббрамза 30, 2024 шықәсанӡа асоциалтә ҳа «ВКонтакте» аҿы автор ипрофиль аҿы астатиа азхьарԥш аҳасабала ахештегақәа #itsmyland, #имяавтора@itsmyland, #абхазияэтомояземля@itsmyland ацны.
Алегендақәа зегьы итрадициатәу ахәдуқәа руак атәы аҳәозар ауп. Аконкурс ахь ицәыргахо астатиа иацзароуп ахештег «#настоящиеценностибудущего», иара убас зҵакы ҳараку 13 тема: #агәыӷра, #абзиара, #аԥшӡара, #аҟәыӷара, #аҟазара, #алаҟазаара, #адырра, #аҿиара, #аиашара, #ашьҭра, #аҭаацәа, #аԥсабара, #ауаҩра, (#вера #благо #красота #мудрость #мастерство #состоятельность #знание #развитие #справедливость #род #семья #природа #человечность) рҟынтәи руак, ма акык-ҩбак рыхьӡқәа арбаны.
Апроект автор: Викториа Григориан.
Апродиусер: Андреи Сулеиков.
