Атурнир аԥхьахәқәа ргара азы еицлабуан еиуеиԥшым атәылақәа рҟынтәи 25-ҩык аспортсменцәа. Аицлабрақәа рҿы аԥыжәара змаз Токио аолимпиатә чемпион, адунеи хынттәи ачемпион Заурбек Сидаков. Уи иоуп атурнир аҿы аиааирагьы згаз. Атурнир аԥхьахәтә фонд 1 миллион мааҭ рҟынӡа инаӡон.
«Ас еиԥш аформат змоу, ари аҟара ирацәаҩны зхы иақәиҭу аиқәԥара азы зыхьӡ нагоу аспортсменцәа злаху аицлабрақәа раԥхьаӡа акәны Ставрополие имҩаԥыргеит. Ари аҟара ирацәаҩны ахәаԥшцәа аҭаауеит ҳәа ҳгәы иаанагомызт. Афиналтә еиндаҭлара аҿы Заурбек Сидаков даӷьсҭантәи аиқәԥаҩ Магомо Дибиргаџьиев дииааит. Аџьаз медалқәа раиура иаԥсахеит Ахмед Нурахмаеви Азнаур Таваеви», - ҳәа иазгәарҭеит аицлабрақәа реиҿкааҩцәа.
Ҳаҭыр зқәу асас иаҳасабала атурнир даҭааит Аԥсны аҿари аспорти русқәа рзы Аҳәынҭқарратә Еилакы ахантәаҩы Тарашь Ҳагба.
