«Ауааԥсыра ачымазара ҿыкқәа рылаҵәара рацәыхьчара адунеи зегьы аҿы зегь реиҳа актуалра злоу проблеманы иҟоуп. Ачымазара ҿыкқәа азаардырра аҳасабала иҟоу аиммунопрофилактика ауп. Ачымазара ҿыкқәа рҿагылара азы аиммунопрофилактика амҩаԥгара ауаҩы изинқәа рыхьчара, аҳәынҭқарратә политика, аҭакԥхықәра, уҳәа реиԥш иҟоу аспектқәа ирыдҳәалоуп, насгьы уи азинтә еиҿкаареи аҭышәынтәалареи аҭахны иҟоуп», - ҳәа иазгәаҭоуп азакәан апроект иацу аилыркаагатә шәҟәы. 

Аиммунопрофилактика аусхкы аҿы анормативтә база ашьақәыргылара азы азԥхьаҭагылазаашьқәас иҟоу аҵыхәтәантәи аамҭазы иусбар залымшо ачымазара ҿыкқәа зыхьуа рхыԥхьаӡара аизҳара иадҳәалоу аобиективтә мзызсқәа.

Иарбоу азакәан апроект аиммунопрофилактика аганахьала аусура аиҿкаара ашьаҭақәа шьақәнаргылоит:

– Аминистрцәа Реилазаара аҿы апрофилактикатә лаҵақәа рымзар ашьақәырӷәӷәара;  

– аауааԥсыра аепидемиологиатә рбагақәа рыла апрофилактикатә лаҵақәа анырзыҟарҵо аҭагылазаашьақәа;

– апрофилактикатә лаҵақәа рымҩаԥгаразы ахымԥадатәра шыҟоу аазырԥшуа аҭагылазаашьақәа;

– аиммунопрофилактиа амҩаԥгаразы ахархәара зауа аиммунобиологиатә маҭәашьарқәа рзы аԥҟарақәа, аиммунопрофилактиа азы рхы иадырхәо аиммуннобиологиатә хәшәытә маҭәашьарқәа раагареи рыҵәахреи рзы аԥҟарақәа.

Азакәхан апроект иара убас алаҵашьҭахьтәи агәабзиара аҭагылазаашьа ауадаҩхараан ауааԥсра асоциалтә дгылара рыҭара шьақәзыргыло анормақәа арбоуп.

Убас, алаҵашьҭахьтәи агәабзиара аҭагылазаашьа ауадаҩхараан ауааԥсыра аҳәынҭқарратә ԥаразоужьреи есымзатәи амцхәратә шәатәқәа раиуреи рзы азин рымоуп.