Иҟалаз амҩа-транспорттә машәыртә хҭыс иахҟьаны аӡәгьы ааха имоуӡеит, автомашьынақәа маҷк амеханикатә ԥхасҭа роуит.

Амашьына УАЗ аԥсҟы зкыз Гәдоуҭа араион аҿы инхо Чукбар Инар Михаил-иԥа апассаџьырцәа рымҩангара аԥҟарақәа реилагаразы, Аԥсны Аҳәынҭқарра Административтә зинеилагарақәа Рзакәанеидкыла ахәҭаҷ 117, ахәҭа  2 инақәыршәаны административтә ҭакԥхықәра дақәыршәоуп.

Амикроавтобус арныҟәцаҩ, Шәача ақалақь аҿы инхо Варелџьиан Ардаш Иури-иԥа иганахьала инеиужьу ацәаҳәа ахысреи амашәыртә ҭагылазаашьа аԥҵареи рзы административтә зинеилагара азы аԥкаанҵа еиқәыршәоуп. Иҟалаз амҩа-транспорттә машәыртә хҭыс афакт ала  агәаҭара мҩаԥнагоит Гәдоуҭа араион аҩныҵҟатәи аусқәа Русбарҭа аусҭҵааратә гәыԥ.