Иара убри аҽны, цәыббрамза 6 рзы, аҳазылхратә ԥыԥшырҭа «Ԥсоу» аусзуҩцәа аҳазылхратә контроль иахьаҵанакуаз иааныркылеит, анаҩс игәарҭеит Урыстәылатәи Афедерациантәи Аԥсныҟа иаауаз автомашьына. Уи аԥсҟы икын Аԥсны атәылауаҩ Хьыкуба Д.Г. Аидараҭыԥ агәаҭараан иаарԥшын иагьимхын Аԥсныҟа заагаразы аԥкрақәа алагалоу акриптовалиута арҳара иазку аппаратқәа – зынӡа хә-цырак.
Иарбоу административтә еилагарақәа рыла аматериалқәа зегьы аусеилыргара аҳәаахәҭара азы, Аԥсны Аҳәынҭқарра аҳазылхратә Еилакы аҭҵаареи аҳазылхратә усеилыргарақәеи рыҟәша ахь идәықәҵоуп.
Абри атәы аанацҳауеит Аԥсны аҳәынҭқарратә ҳазылхратә Еилакы аофициалтә саит.
