Ҳрылацәажәеит ҳџьынџьуаа рҭоурыхтә Ԥсадгьыли дареи реимадара иазкыз азҵаарақәа», - иҳәеит Аԥсадгьыл ахь ахынҳәразы аҳәынҭқарратә еилакы ахантәаҩы. 

Аделегациа алахәцәа – Аԥсадгьыл ахь ахынҳәразы аҳәынҭқарратә еилакы ахантәаҩы   Вадим Ҳаразиа, Ауаажәларратә палата ахаҭарнак Давид Ԥлиа, Гәдоуҭа араион Администрациа ахада ихаҭыԥуаҩ Валери Аҩӡба Аслана Бжьаниа иарҳәеит аԥсуа диаспора ахаҭарнакцәа Аԥсны аус ацура, ахынҳәра азҵаара азҿлымҳара ду шарҭо. 

Аҳәынҭқарра Ахада иҳәеит адиаспора аус ацура азҵаара ихадароу хырхарҭаны ишыҟоу, иазгәеиҭеит 30 шықәса раахыс аԥсуа диаспореи ҳареи ҳаимадара арӷәаразы, зыҩныҟа ихынҳәыз арепатриантцәа адгылара рыҭаразы аусура шымҩаԥысуа.

«Иҟаҵоу рацәоуп, аха уи аҿы ҳзаангылаӡом, Аԥсни ҳџьынџьуааи реимадара арҿиаразы иҵегьы аус утәуп. Урҭ ирдыруазароуп Аԥсны даргьы ҳаргьы ҳаԥсадгьыл шакәу, Аԥсадгьыл ахь рыхынҳәра аус зҿлымҳара ду шаҳҭо. Ҳаидгыланы аус аауроуп ҳаԥсадгьыл  аизҳазыӷьаразы», - ҳәа иҳәеит Аслан Бжьаниа.

Аиԥылара далахәын иара убас Ахада Иусбарҭа Анапхгаҩы Абесалом Кәарҷиа.