Ԥшьымз рыҩныҵҟа ахәыҷқәа ажәытә аԥсуа ҵасқәеи ақьабзқәеи ҭырҵаалоит, аԥсуа жәлар рмузыкатә инструментқәа рыла ахәмарреи ахыци ахәымпали рыла ахысра, иара убас ажәытә аԥсуа кәашарақәа рыкәашара, амилаҭтә орнамент заку аилкаара, уҳәа убас ирацәаны ирҵоит. Аусмҩаԥгатә аиҿкааҩцәа агәра ганы иҟоуп, апроект аҳәаақәа ирҭагӡаны аусмҩаԥгатәқәа рҭаара алахәылацәа ргәалашәараҿы хымԥада ишаанхо.
Аиԥыларақәа мҩаԥыслоит амастер-классқәа рформат ала, имҩаԥгахоит аинтерес зҵоу аекскурсиақәа. Еиуеиԥшым араионқәа рҟынтәи аҿар еибадырыртә, доусы изызҿлымҳау атемақәа рыла аҩызцәа рыԥшаара, аԥышәеимадара, иара убас апрофессионалцәа рзыӡырҩра азы алшара рзаԥҵахоит.
Лаҵарамза 24, асааҭ 14:00 рзы апроект аанартуеит аԥсуа жәлар рмузыкатә инструментқәа ирызку алекциа. Аҟәатәи амузыкатә ҵараиурҭа аҵаҩцәеи егьырҭ алахәылацәаеи рҿаԥхьа алекциа даԥхьо дықәгылоит Аҳәынҭқарратә жәлар рмузыкатә инструментқәа роркестр асахьаркыратә напхгаҩы, Аԥсны зҽаԥсазтәыз акультура аусзуҩ Денис Арухаа. Аинтерактивтә, ахәмарратә формат ала аспикер ахәыҷқәа ирзеиҭеиҳәоит аԥсуа жәлар рмузыкатә инструментқәа рҭоурыхи рҷыдарақәеи ртәы, ахәыҷқәа урҭ рыла ахәмарра азы алшара риҭоит.
Апроект «Акультуратә марафон» апрограмма
|
Арыцхә |
Алекциа атема |
Аспикер |
Азгәаҭарақәа |
|
1.Лаҵарамза 24,2024 шықәса.
|
Аԥснытәи жәлар рмузыкатә интрументқәа.
|
Денис Арухаа, Аҳәынҭқарратә жәлар ринструментқәа рансамбль асахьаркыратә напхгаҩы. |
С. Ҷанба ихьӡ зху Аԥснытәи адраматә театр ахь аекскурсиа.
|
|
2. Рашәарамза 2, 2024 шықәса.
|
Аԥсуа жәлар рытрадициатә қьабзқәа .
|
Инга Шамба, Аԥснытәи аҳәынҭқарратә музеи аетнологиа аҟәша анаукатә усзуҩ еиҳабы.
|
Аԥснытәи аҳәынҭқарратә музеи ахь аекскурсиа амҩаԥгара.
|
|
3. Рашәарамза 3, 2024 шықәса. |
Аԥсуа жәлар рашәаҳәарақәеи рмелодиақәеи ирыҵоу аҷыдарақәа. |
Нодар Ҷанба, Аԥсны аҳәынҭқарратә хортә капелла адиректор.
|
Р.Гәымба ихьӡ зху Аԥснытәи аҳәынҭқарратә филармониа ахь аекскурсиа амҩаԥгара. |
|
4. Рашәарамза 4, 2024 шықәса.
|
Аԥсуа жәлар рҽыбӷаҟазара. |
Милор Шәлымба, Аԥсны аҽыбӷаҟазаратә спорт Афедерациа апрезидент. |
Ачадара ақыҭан иҟоу ахәыҷтәы ҽыбӷаҟазаратә клуб «Леон» аҭаара. |
|
5. Рашәарамза 5, 2024 шықәса. |
Аҭыԥантәи аҵиаақәа рҷыдарақәа |
Едуард Гәыбаз, Аԥсны Анаукақәа Ракадемиа иатәу Аботаникатә Институт адиректор. |
Аботаникатә баҳча ахь аекскурсиа амҩаԥгара. |
|
6. Рашәарамза 6, 2024 шықәса. |
Аԥсуа жәлар рыкәашарақәа. |
Сира Аҩӡба, Аҟәатәи акультура-рккаратә ҵараиурҭа адиректор. |
Р.Гәымба ихьӡ зху Аԥснытәи аҳәынҭқарратә филармониа ахь аекскурсиа амҩаԥгара. |
|
7. Лаҵарамза 7, 2024 шықәса. |
Аԥсуаа рытрадициатә орнамент ахыҵхырҭақәеи уи аҿыханҵа аҿы арбареи. |
Ныгәзар Логәуа, ААУ аҟазара аҟәша адекан. |
Аԥснытәи аҳәынҭқарратә музеи ахь аекскурсиа амҩаԥгара. |
|
8. Рашәарамза 8, 2024 шықәса. |
Нарҭаа репоси уи ҳаамҭазтәи аилкаареи. |
Зураб Џьапуа, Аԥсны Анаукақәа Ракадемиа апрезидент. |
Аԥснытәи аҳәынҭқарратә музеи ахь аекскурсиа амҩаԥгара. |
