АЖӘАБЖЬҚӘА

22.Лаҵара.2024

Аҳәынҭқарратә автоинспекциа аҿы амҩа-транспорттә ԥҟарақәа реилагара автофиксациа азы амобилтә комплекс «Рубеж» аларгалеит.

Аҟәа. Лаҵарамза 22, 2024 шықәса. Аԥсныпресс.  Аҳәынҭқарратә автоинспекциа аҿы амҩа-транспорттә ԥҟарақәа реилагара автофиксациа азы амобилтә комплекс «Рубеж» ахархәаразы иаларгалеит.

Шьҭарнахыс Аҳәынҭқарратә автоинспекциа аусзуҩцәа амҩаҿы аныҟәара аганахьала иҟаҵаз административтә зинеилагарақәа рзы адыррақәа зегьы рбара рылшоит астационартә ԥыԥшырҭақәа рҿы адагьы Амҩа-Ԥыԥшырҭатә Маҵзура амашьынақәа рыҿгьы, ҳәа адырра ҟанаҵоит атәыла аҩныҵҟатәи аусқәа Рминистрра апресс-маҵзура. Лаҵарамза 20 рзы амобилтә комплекс «Рубеж» ахархәарала   имҩаԥысит раԥхьатәи ареидтә профилактикатә усмҩаԥгатә. Ареид амҩаԥысшьа гәеиҭон аҩныҵҟатәи аусқәа рминистр Роберт Киут.

Акомплекс аусура актәи амш азы амҩатә ԥҟарақәа еилазгаз ирыҭан  70 инарзынаԥшуа аилагара азы аԥкаанҵақәа.

Аҩныҵҟатәи аусқәа рминистр ихаҭыԥуаҩ Беслан Ҷкадуа ишазгәеиҭаз ала, ас еиԥш иҿыцу алагала еиҳа ирласны амҩатә ԥҟарақәа еилазго раарԥшра алнаршоит.

Ареспубликатә трасса ала ишьақәыргылоу афото-видео камерақәа рҟынтәи аинформациа аҩныҵҟатәи аусқәа Рминистрра адыррақәа аус рыдулара Ацентр ахь инеиуеит.  Аԥҟара еилазгаз данаарԥшхалак ашьҭахь, административтә зинеилагара азы аԥкаанҵа инапы иаркхоит, уи инақәыршәаны азин еилазгаз ахараԥса ишәароуп.

Убри аан иаарԥшыз азинеилагарақәа рзы ахараԥса раԥхьатәи хәымш азы ишәахар, усҟан уи аицҵалыҵ 50% рҟынӡа инаӡоит. Апрофилактикатә усмҩаԥгатәқәа рымҩаԥгараан иара убас ишьақәыргылан 30 административтә ԥкаанҵақәа, Аҳәынҭқарратә автоинспекциа аусзуҩцәа рыла 45 автомашьына рсаркьақәа рыԥшәыхәыркра амхра мҩаԥган.


Read 102 times - Амҽыша, 26 Лаҵара 2024 14:24
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.