Ацеремониа иалахәын иара убас Аԥсны Аҳәынҭқарра Ахада Иусбарҭа Аиҳабы Џьансыхә Нанба, акультура аминистр Даур Ақаҩба, Апарламент адепутат Леонид Лакербаиа, агәыҳалалратә фонд «Помним» аиҳабы ихаҭыԥуаҩ Лиалиа Чамагәуа, Нхыҵ-Кавказынтәи иааны хатәгәаԥхарала еибашьуаз рымадаразы Ахада иабжьгаҩ Рисмаг Аџьынџьал.
Аԥсны Ахада иара убасгьы ашәҭқәа шәҭеиҵеит абаҟа «Асовет солдаҭ Аиааира згаз» аҿы. Амемориал шьақәыргылоуп Аџьынџьтәылатә еибашьра Ду аан ақалақь Черкесск инхоз, иҭахаз, хабарда ибжьаӡыз, ахәрақәа ирхыԥсааз ргәалашәара аҳаҭыр азы.
