1958 – 1960 шш. Валериан Кобахьиа Гәдоуҭатәи аџьажәлар рдепутатцәа араионтә Хеилак Анагӡаратә Комитет ахантәаҩыс аус иуан.

1960 шықәсазы Асовет Еидгыла Акоммунисттә Партиа Ацентркомитет аҿы иаԥҵаз Иреиҳаӡоу апартиатә школ ахь ддәықәҵан.

1962 шықәса инаркны  – Қырҭтәыла акомунисттә партиа Гәдоуҭатәи араионтә Комитет актәи амаӡаныҟәгаҩыс дыҟан.

1965 – 1975 шықәсқәа рзы – Қырҭтәыла акоммунисттә партиа Аԥснытәи аобласттә Еилакы актәи амаӡаныҟәгаҩыс дыҟан.

1975 – 1978 шш. – Аԥснытәи АССР Иреҳаӡоу Асовет Апрезидиум амаӡаныҟәгаҩыс аус иуан.  

1978 - 04.12.1990 шш. – Аԥснытәи АССР Иреиҳаӡоу Асовет Апрезидиум ахантәаҩыс дыҟан.

Нанҳәамза 25, 1990 шықәсазы, Аԥснытәи АССР Иреиҳаӡоу Асовет Апрезидиум ахантәаҩыс дшыҟаз, Аԥсны аҳәынҭқарратә хьыԥшымра азы Адекларациа инапы аҵаиҩит.   

Валериан Кобахьиа Асоветтә Социалтә Республикақәа Реидгыла Иреиҳаӡоу Асовет   VII, VIII, IX ааԥхьарақәа рдепутатс дыҟан.  

 Валериан Кобахьиа иԥсҭазаара далҵит рашәара 28, 1992 шықәсазы.