Аиԥылара аҿы Ливан иҟоу аԥсуа диаспореи урҭ рҭоурых ԥсадгьыли реимадара азҵаарақәа ирылацәажәеит. Аделегациа ахаҭарнакцәа Кавказтәи аибашьра иалаӡыз ргәалашәара Амш иазку аусмҩаԥгатәқәа рылахәхаразы мышқәак Аԥсны иаанхоит.
14.Лаҵара.2024
Ливантәи аԥснытәи ҳџьынџьуаа Кавказтәи аибашьра иалаӡыз ргәалашәара иазку аусмҩаԥгатәқәа рхы аладырхәуеит.
Аҟәа. Лаҵарамза 14, 2024 шықәса. Аԥсныпресс. Арепатриациа азы Аҳәынҭқарратә Еилакы аҿы Ливантәи Ареспублика аҿы инхо ҳџьынџьуаа рделегациа рԥылара мҩаԥысит, ҳәа адырра ҟанаҵоит Аҳәынҭҭқарратә Еилакы апресс-маҵзура. Аделегациа напхгара аиҭоит «Ливан иҟоу Черқесстәи аконсорциум» ахантәаҩы Риад Абдельраззак Цыба.
Арепатриациа азы Аҳәынҭқарратә Еилакы ахантәаҩы Вадим Ҳаразиа аделегациа ахаҭарнакцәа Ахылаԥшырҭа ахықәкқәеи ахыдҵақәеи ртәы рзеиҭеиҳәеит.
