Даҽаӡәы атәылахьчара Аминистрра арратә хәышәтәырҭа аҿы астационартә хәышәтәра дахысуеит, уи игәабзиара аҭагылазаашьа  хар амаӡам ҳәа иԥхьаӡоуп.

Мшаԥымза 2 рзы  Аԥсны атәылахьчара Аминистрра иатәу аҵәиԥрыга МИ-24 Гәылрыԥшь араион Кыцикыҭ ақыҭан авариатә тәара нанагӡеит. Уи ашьҭахь аԥырратә машьына амца акит. Амашәыртә хҭыс ахьыҟалаз аҭыԥ ахь иаразнак инеит атәылахьчара Аминистрра, Иҷыдоу аҭагылазаашьақәа рзы Аминистрра, аҩныҵҟатәи аусқәа Рминистрра ахаҭарнакцәа. Аекипаж алахәылацәа рыхҩык  – Гьаргь Ԥачлиа, Витали Корнеев, Едуард Мкртчан рыԥсқәа ҭоуп. Урҭ Агәыӡера аҳаблан иҟоу арратә хәышәтәырҭа ахь инаргеит.