Имхыз амаҭәашьар анаҩстәи аҭҵааразы атәыла аҩныҵҟатәи аусқәа Рминистрра аҟны иҟоу аексперт-криминалисттә Центр ахь идәықәҵахеит. Уаҟа ишьақәыргылан, иарбоу аилаҳәара иагәылаз, зыкапан 76,595 грамм рҟынӡа инаӡо (зыкапан рацәоу ҳәа иԥхьаӡоуп) аххыраԥшра змоу ишкәакәоу амаҭәашьар анаркотик «метадон» шаку.
Асҭамыр Џьынџьал Аԥсны Аҳәынҭқарра Ашьаустә Закәанеидкыла ахәҭаҷ 224, ахәҭа 3, ап. «в» иазԥхьагәанаҭо ацәгьоура аҿы ахара идҵоуп.
Иарбоу ашьаусеилыргара мҩаԥнагоит Аҟәа ақалақь аҩныҵҟатәи аусқәа Русбарҭа аусеилыргаратә ҟәша.
