«Идҵаало рызҵаарақәа рыхәаԥшраан изықәныҟәатәу ихадароу принципны иҟоуп аконституциатә закәанра, Аконституциа ԥыжәара аҭара. Иҟаҳҵо алкаақәа рыҟны иарбоуп Аконституциатә ӡбарҭа иаӡбо азин азҵаарақәа шракәу, фактла ишьақәгылаз аҭагылазаашьақәа ахәшьара шырнамҭо», - ҳәа илҳәеит Ԥлиа Диана.
Лара иара убас иазгәалҭеит Аконституциатә ӡбарҭа фышықәса рыҩныҵҟалатәи аусурала ишааԥшыз атәылауаа рыдҵааларақәа рыҟны азакәанқәа рыԥҟарақәак рконституциатәра апроблемақәа ииашаны ишышьҭырхуа, ишаӡбо азинмч змоу аусбарҭақәа иҟарҵо азыҳәамҭақәа рыла, иара убас ишрыхәаԥшуа Аконституциа арҽеирақәа рзы аԥшьгарақәа.
Аҳәынҭқарра Ахада иара убас Аконституциатә ӡбарҭа амҩаԥгара иазку азҵаарақәа рзы азакәанԥҵара асистематизациеи анализи рзура иазку аусуразы, азакәанԥҵаратә актқәак рыхәаԥшреи аԥсахрақәа ралагалареи рзы ҷыдала ажәалагалақәа ҟаҵан ҳәа адырра иҭан.
Аиԥылараҟны ирылацәажәеит азинхьчаратә лшареи аконституциатә аӡбареиҿкаареи ирыдҳәалоу актуалра злоу азҵаарақәеи Аԥсны Аҳәынҭқарра Аконституциа 30 шықәса ахыҵра амш азы азԥхьагәаҭеи. .
Аиԥылара иалахәын Ахада Ихаҭыԥуаҩ Бадра Гәынбеи Ахада Иусбарҭа анапхагаҩы Абесалом Кәарҷиеи.
