Аҳәса рыбжьара актәи аҭыԥ аанылкылеит Мариа Книазева (зыкапантә категориа 67 кьыла рҟынӡа инаӡо, ишьҭылхыз акапан 305 кьыла иҟоуп), аҩбатәи аҭыԥ аанылкылеит Амина Кьышьмариа (зықәратә категориа 60 кьыла рҟынӡа инаӡо, ишьҭылхыз акапан азеиԥш еицҵалыҵ 240 кьыла иҟоуп), ахԥатәи аҭыԥ аанылылеит - Светлана Делибалтиан (зыкапантә категориа 60 кьыла рҟынӡа инаӡо рыбжьара, ишьҭылхыз акапан азеиԥш еицҵалыҵ 215 кьыла иҟоуп).

Адисциплина «ишьҭаланы ашьҭыхра» аҿы ахацәа рыбжьара актәи аҭыԥ ааникылеит Евгени Тапкин (Урыстәыла,  зыкапантә категориа 100+ рыбжьара, ишьҭихыз акапан  азеиԥш еицҵалыҵ 145 кьыла рҟынӡа инаӡоит), аҳәса рыбжьара –  Аигиуль Кар (зыкапантә категориа 75 кьыла рҟынӡа инаӡо рыбжьара, ишьҭылхыз акапан азеиԥш еицҵалыҵ 60 кьыла ыҟоуп).

Адисциплина «ахәамц ашьҭыхра» (хыԥхьаӡарала зхатә хәамц еиҳа ишьҭызхуа реицлабра) аҿы актәи аҭыԥқәа ааныркылеит Николаи Стороженко (зыкапантә категориа 40 кьыла иҟоу рыбжьара, 66 - нтә иҽышьҭихит), Евгени Тапкин (52,5 кьыла иҟоу рыбжьара, 60–нтә иҽышьҭихит) иара убас Мариа Книазева (30 кьыла иҟоу рыбжьара, 33-нтә лҽышьҭылхит).