Акомплекс «Крокус Сити Холл» аҿаԥхьа ашәҭ шьыҵәрақәа рышьҭаҵара ацеремониа алагаанӡа еизаз минуҭктәи аҿымҭра рылаҳәан, анаҩс адипломатиатә миссиақәа, жәларбжьаратәи аиҿкаарақәа, Урыстәыла адәныҟатәи аусқәа Рминистрра ахаҭарнакцәа хәажәкырамза 22, 2024 шықәса рзы иҟалаз атеракт аҿы иҭахаз ргәалашәара азы асимволтә акциа аҳәаақәа ирҭагӡаны ишкәакәоу ампышҭақәа ажәҩан иаларҵеит. Урыстәыла адәныҟатәи аусқәа Рминистрра адипломатиатә корпус ахаҭарнакцәа ас еиԥш иуадаҩу аамҭа азы аурыс жәлар ирырҭо адгылара азы иҭабуп рҳәеит.
