Атәылахьчара аминистр арратә напхгараҭара аусбарҭақәа русура, рхықәкытә хыдҵақәа рынагӡара аҿы ихадоу аусмҩаԥгатәқәа аликааит. Владимир Ануа иааиԥмырҟьаӡакәа архәҭақәа разыҟаҵара, урҭ зыԥшра ҟамҵакәа ауснагӡатәқәа рынагӡара азы рылшара ҷыдала дазааҭгылеит.

Иарбоу аусмҩаԥгатә аҿы иара убас Аԥсны жәлар Рџьынџьтәылатәи еибашьра аветеранцәеи Аԥсны Аҳәынҭқарра Арбџьармчқәа рветеранцәеи атәылахьчаа Аминистрра анапхгаратә медалқәа ранашьара иадҳәалоу ацеремониа мҩаԥысит.

Аԥсны атәылахьчара аминистр Идҵа ала амедал «Аинрал-леитенант Сосналиев С. А.» ранашьахеит ар аинрал Кьышьмариа Мераб Борис-иԥа, аинрал-полковник Ҵәыџьба Беслан Андреи-иԥа, аинрал-леитенант Гәымба Адгәыр Алеқсеи-иԥа, аинрал-леитенант  Порцхол-оглы Лизберт Заур-иԥа, ԥхьатәара иҟоу аинрал-леитенант  Ҳагба Валери Езыгә-иԥа.

Амедал «Аинрал-леитенант Дбар С. П.» ранашьахеит Кәпалба Гарри Сергеи-иԥа, Нанба Заканбеи Владимир-иԥа, Анқәаб Слава Дикран-иԥа, Агәмаа Валериан Гьаргь-иԥа, Амҷба Рауль Варлам-иԥа.

Атәылахьчара аминистр актәи ихаҭыԥуаҩ Идҵа инақәыршәаны, амедал «Аинерал-леитенант Сосналиев С. А.» ианашьоуп аинрал-полковник Ануа Владимир Иван-иԥа.