Иҟалаз амҩа-транспорттә машәыртә хҭыс аҿы убасҵәҟьа ааха лоуит аԥҳәыс. Уи абҩаԥҵәа лыманы Гәдоуҭатәи араионтә хәышәтәырҭа ахь днагоуп.
25.Хәажәкыр.2024
Гәдоуҭа араион ареспубликатә мҩаду аҿы иҟалаз амҩа-транспорттә машәыр аҿы хаҵак дҭахеит.
Аҟәа. Хәажәкырамза 25, 2024 шықәса. Аԥсныпресс. Гәдоуҭа араион, Хыԥсҭа ақыҭа азааигәара иҟалаз амҩа-транспорттә машәыр иахҟьаны хаҵак дҭахеит, ҳәа Аԥсныпресс ахь адырра ҟаиҵеит Автоҳәынҭинспекциа аиҳабы ихаҭыԥуаҩ Асҭамыр Ҭаниа.
«Автотрасса «Ԥсоу – Егры» 59-тәи акилометр аҿы, Гәдоуҭа араион Хыԥсҭа ақыҭа иацәыхарамкәа автомашьына «Таиота» ареспубликатә трасса ианыҵны амҩа аҿықә игылаз аҵла иаахеит. Амҩа-транспорттә машәыр ҟалеит 10 сааҭки 30 минуҭи инарзынаԥшуа. Амашьына аԥсҟы зкыз ахаҵа иара уааҵәҟьа иԥсҭазаара далҵит», – ҳәа еиҭеиҳәеит Асҭамыр Ҭаниа.
