Аҟәа. Хәажәкырамза 23, 2024 шықәса. Аԥсныпресс. Хәажәкырамза 22 рзы Москватәи аобласть, аконцерттә зал «Крокус Сити Хол» аҿы иҟалаз атеррористтә акт инамаданы, Аԥсны Жәлар Реизара-Апарламент Аиҳабы Лаша Ашәба Урыстәылатәи Афедерациа Афедералтә Еизара анапхгараҭара ашҟа адышшыларатә шәҟәқәа дәықәиҵеит.
Урыстәылатәи Афедерациа Афедералтә Еизара Ахеилак ахантәаҩы Валентина Матвиенкеи Аҳәынҭқарратә Дума ахантәаҩы Виачеслав Володини рахь инашьҭыз адышшыларатә шәҟәқәа рҿы ахәҭакахьала иазгәаҭоуп:
«Ареспублика Аԥсны Жәлар Реизара-Апарламент адепутатцәа, ҳтәыла атәылауаа зегьы реиԥш, хәажәкырамза 22 ахәылбыҽха, Москватәи аоблать, аконцерттә зал «Крокус Сити Холл» аҿы иҟалаз атеррористә акт иахылҿиааз арыцҳара ду азы ажәабжь хлымӡаах даара ргәаҵанӡа инаӡеит.
Атерроризм аарԥшра иақәыӡбо абжьқәа зегьы рхыԥхьаӡараҿы иҟоуп ҳара ҳабжьқәагьы, Урыстәылатәи Афедерациа анапхгара зхыдҵақәа иуаҩымрам аметодқәеи ауснагӡатәқәеи рыла аӡбара иашьҭоу рганахьала имҩаԥнаго аполитика зегьы рыла ҳадгылоит.
Ахәрақәа заузи иҭахаз рыуацәеи рҭынхацәеи, иааизакны Урыстәыла ажәлар зегьы гәалсра дула ҳрыдышшылоит.
Урыстәылатәи Афедерациа атәылауаа абри иуадаҩу аамҭа азы ирзеиӷьаҳшьоит ахачра, атеррористцәа ржәылара аҟынтәи ахәрақәа зауз зегьы иаарласны ргәабзиара аиҭашьақәыргылара».
