- Жәларбжьаратәи аҳәса Рымшныҳаәа;

- Хәажәкырамза 4 рзы Аԥсны Актәи Ахада Владислав Арӡынба игәалашәара Амши Аԥсны Аҩбатәи Ахада Сергеи Багаԥшь данииз Амши разгәаҭара;

- Самвел Карапетиан ишәҟәы «Сара даҽакала схәыцуеит» аҭыҵра;

- Мрагыларатәи афронт  Маркәылатәи  абаталион аибашьҩы, Леон иорден занашьоу Фазиль Меликиан ибаҟа ашьақәыргылара;

-Урыстәыла иҿыцу арегионқәеи аинтернационалтә гәыԥ «Пиатнашка» атәарҭаҭыԥи  рахь  ашьҭра азы агуманитартә еидара аизгара;

- Аԥышәеимадара хықәкыс иҟаҵаны Гагра ақалақь аҿы аус зуа абжьаратәи ашколқәа рдиректорцәеи рырҵаҩцәеи алархәны инарҭбаау аизара амҩаԥгара;

- Мшаԥымза 24 рзы Османтәи аимпериа ала инагӡаз аерманцәа ргеноцид иалаӡыз ргәалашәара Амш аҽны ацәашьқәа кны амшын ахь албаареи, анаҩс ацәашьқәеи ашәҭ шьыҵәрақәеи аӡы рахҵара иадҳәалоу ацеремониа амҩаԥгареи еиҿкаан;

- Гагра ақалақь аҿы иҟоу Аермантә апостолтә уахәама аҿы ашколхәыҷқәеи ареспублика ауаажәларреи алархәны алахьеиқәҵаратә митинг мҩаԥган;

- Лаҵарамза 1, 2023 шықәсазы Алаҳаӡы ақыҭан имҩаԥысит аерман ашәа  25-тәи Афестиваль «Ажәларқәа реиҩызара»;

- Хәажәкырамза 23, 2023 шықәсазы иҟалаз абылра аан ааха зауз Аракьыч ақыҭан иҟоу ашкол ахыбра аҿы аиҭашьақәыргылара-ргыларатә усурақәа мҩаԥган. Иҿыцу аҵарашықәс алагамҭазы ашкол инагӡаны еиҭашьақәыгылахеит, иара убас аҵаратә процесс азы  ихымԥадатәиу аҩнымаҭәеи аинвентари раахәара алыршахеит;

- Очамчыа араион аерманцәа ахьынхо Аҭара ақыҭан иҟоу абжьаратәи ашкол аҿы аиҭашьақәыргыларатә усурақәа рымҩаԥгараҿы ацхыраара ҟаҵан;

- Очамчыра араион Мықә ақыҭан игылоу абжьаратәи ашкол ахыбра аҿы аиҭашьақәыргыларатә усурақәа рымҩаԥгареи иабоу аҵараиурҭа аҭаххрақәа рынагӡара азы автомашьына «Газель» аахәареи  аҽалархәра;  

- Аӡхыҵраан аԥхасҭа зауз Гагра араион ауааԥсыра афинанстә цхыраара рыҭара;

-  Гагра ақалақь аҿы иҟоу Иу. Гагарин ихьӡ зху абжьаратәи ашколи Араионтә хәышәтәырҭа Хадеи афинанстә цхыраара рыҭара;

-  Гагра ақалақь аҿы абжьаратәи ашкол №3 ахыб аԥсахра азы аусурақәа рымҩаԥгара;

- Аԥснытәи аспортсменцәа жәларбжьаратәи аицлабрақәа рылахәхара адгылара аҭара; 

- ААУ апедагогикатә факультет аермантә сектор астудентцәа рҵара афинансқәа азоужьра;

-  Аҟәа араион Ачадара ақыҭан иҟоу аспорттә комплекс ахыб аиҭашьақәыргылара;

-  Аԥсны жәлар Рџьынџьтәылатәи еибашьра аҿы Аиааира агареи Аԥсны ахьыԥшымра жәларбжьаратәи азхаҵара Амши разгәаҭара иазку аусмҩаԥгатәқәа рылахәхара;

- Абжьаратәи ашколқәа рзы Ермантәылантәи Аԥсныҟа хә-нызықь цыра арҵагашәҟәқәа раагара аҿы ацхыаара аҟаҵара.

Хадара злоу акцентқәа

Аерманцәа Реилазаара ахантәаҩы аусура ахырхарҭа хадақәа ируакуп ҳәа иаликааит аиҿкаара аперспективра злоу аҿар радыԥхьалара.

«Ҳара аҟыбаҩ злоу аҿар аиҿкаара ахь радыԥхьалара иазкны  активла аус аауеит», – ҳәа иҳәеит иара.

Алик Миносиан иажәақәа рыла, Аилазаара аринахысгьы аҵараиурҭақәа русура, аспорт аҿиара, акультуратәи аинфраструктуратәи апроектқәа рынагӡара адгылара анаҭалоит.  Иара инаҵшьны иазгәеиҭеит аиҿкаара аусеицуразы ажәалагалақәа рыхәаԥшра ишазхиоу, убри аан уи аермантә амшхәаԥштә мацарала ишыԥкым.

«Агуманитартә акциақәа ҳажәларқәа еизааигәанатәуеит абиԥарақәа еиднакылоит. Уи ҳара зегьы ԥсадгьылны иҳаԥхьаӡо Аԥсны арӷәӷәара иацхраауеит»,  – ҳәа агәра ганы дыҟоуп Аилазаара ахаҭарнак.

Иара иазгәеиҭеит Аилазаара апроектқәа Аԥсны Ахада Аслан Бжьаниа, Аҳәынҭқарра Ахада Ихаҭыԥуаҩ Бадра Гәынба, Жәлар Реизара-Апарламент адепутатцәа, атәыла Анапхгара алахәылацәа, ауаажәларратә усзуҩцәа рҟынтәи иаиуо адгылареи ацхыраареи акыр ишырацәоу. 

Иажәахә хыркәшо, Алик Миносиан  еизаз иргәалаиршәеит ҳазҭоу ашықәс, хәажәкырамза 17 рзы ишымҩаԥысуа Урыстәылатәи Афедерациа Ахада иалхақәа.  Иара «ҳадгьыл аҿы аҭынчреи аизҳазыӷьареи аҭышәынтәалареи аринахысгьы аҳра руа иҟаларц азы» еизаз зегьы активла абжьыҭира рхы аладырхәыр азы ааԥхьара ҟаиҵеит.

Афото Анаид Гогориан.