Аплантә рбагақәа ашәахтә хкқәа рыла рынагӡара Администрациеи ақалақьтә маҵзуреи русура бзиа атәы аҳәоит: иҷыдоу ашәахтә – 125%; апатенттә шәахтә – 134%; амазаразы ашәахтә – 166%; ахашәалазы ашәахтә - 103%; ахашәалахәытә шәахтә – 109%; задгьыл азы ашәахтә – 150%; акцизақәа – 135%.
Абиуџьет ахарџьтә хәҭа 2023 шықәсазы иартәеит 99% иазԥхьагәаҭақәаз ахархәагақәа рыҟнытә 2 млрд 158 млн 445 нызқь мааҭ. Аԥаразоужьра иартәеит 2 млрд 137 млн 919 нызқь мааҭ.
2023-2025 шш. аинвестициатә программа иазԥхьагәанаҭоит акрызҵазкуа апроектқәа жәпакы, амҩақәа рырҽеира, ахәыҷтәы хәышәтәырҭа, ашьаҟауаа рымҩақәа реиҿкаара 1 миллиардк мааҭ рыхә.
Аҳәынҭқарра Ахада Ицхыраагӡатә фонд аҟнытә 13, 5 млн маат хархәара рыҭан Апантеон арҽеиразы, Гәматәи амҩаҟны аҵыргәатә шьаҟа аргыларазы, адгьылҳәазара иахҟьаны Аваинахцәа рымҩа аиҭашьақәыргыларазы.
Иара убас Аҟәа ақалақь аҩныҵҟа анагӡара иаҿуп аинвестициатә проект дуқәа жәпакы 8 млрд мааҭ рыхә. Урҭ рыбжьара иҟоуп – сасааирҭа «Ривиера» аргылара ахыркәшара, агәабзиарачаԥарҭақәа «Аҟәа», «Аҟәатәи», иара убас асасааирҭа «Гранд Отель» , ахәаахәҭратә центр "Ацҳа ҟаԥшь" аиҭеиҿкаара.
Аҟәа ақалақь аекономикаҟны иазгәаҭоуп атауареикәшара аизҳара 13 млрд 78 млн мааҭ рҟынӡа. «Аҟәа ақалақь ала атауареикәшаразы Аплан нагӡан 102,2% рыла, иагьартәеит 47 млрд 103 млн мааҭ», - иазгәеиҭеит иара.
«Акурортқәеи атуризми русхк аҟнытә ахашәала иартәеит 2023 шықәсазы 477,4 млн маваҭ, ари иартәеит 122,5%», - иҳәеит Ешба.
Ақлақь ахада далацәажәеит иара убас 2023 шықәса рзы афымцамч аусхк аҟны аусура.
«Имҩаԥгоуп зынӡа амаининг иаҿагыланы ақәԥаразы аоперативтә штаб имҩаԥнагаз 21 еилатәара, игәаҭоуп: 1571 уада, 1540 нхарҭа ҩны, аҩнаҵақәеи ахыбқәеи 661. Иаарԥшын афымца иагьаҿыхын акриптовалиута арҳаразы амыругақәа 1906 цыра. Ҳазҭагылоу аамҭазы изакәанымкәа амыругақәа раҿакра ахылаԥшразы агәыԥқәа аус руеит», - иҳәеит Ешба.
Аҟәа ақалақь абонентцәа рхыԥхьаӡара иартәоит 28 550, ахыԥхьаӡаларақәа реицҵалыҵ 2023 ш. иартәеит 569,2 млн мааҭ. Аизгарақәа бжьаратәла 41% рҟынӡа ыҟоуп.
«Ишьақәыргылоуп 13 нызқь афымца хархәара агәаҭага мыруга, 2024 шықәсазы иазгәаҭоуп даҽа хә-нызқь мыруга рышьақәыргылара», - иазгәеиҭеит Беслан Ешба.
Аҳасабырбаҟны иарбан Аҟәа ақ. агәабзиарахьчаразы абиуџьет ишартәаз 232,4 млн мааҭ, 2023 ш. аҵараиура абиуџьет иартәеит 554,5 млн мааҭ, акультура абиуџьет - 2023 ш. иартәеит 67, 7 млн мааҭк.
Аспорти аҿари рзы абиуџьет иартәеит 46, 9 млн мааҭ. Аҟәа ақ. асоциалтә еиқәыршәара абиуџьет аҟны иҟан 44, 7 млн мааҭ.
Беслан Ешба иара убас Аҳәынҭқарра Ахада изеиҭеиҳәеит 2024 шықәсазтәи азԥхьагәаҭарақәа ртәы, уахь иаҵанакуеит ауалафахәқәеи ацхыраагӡақәеи рышьҭыхра, иара убас иҷыдоу аекономикатә зона аԥҵара ԥасатәи агәамкаԥсарҭаҟны аекономикатә еизҳареи аинвестициақәа радԥхьалареи рзы.
Аҳәынҭқарра Ахада Аҟәа ақалақь Администрациа аусура бзиоуп ҳәа ахә ишьеит, иҳәеит иазгәаҭоу аусқәа рыҟны аԥхьаҟа адгылара шаиҭо.
