Аԥсны агәабзиарахьчара аминистр Едуард Быҭәба иажәақәа рыла, Аминистрра аҿы ҭырқәтәылатәи аҳақьымцәа абариатриа анаҩсгьы аонкологиа, уҳәа реиԥш иҟоу егьырҭ ахырхарҭақәа рылагьы аус рыцура азԥхьагәаҭоуп.
05.Хәажәкыр.2024
Раԥхьатәи абариатриатә ԥҟара мҩаԥыргеит Аԥсны.
Аҟәа. Хәажәкырамза 5, 2024 шықәса. Аԥсныпресс. Аҟәа ақалақь, Ареспубликатә хәышәтәырҭа аҿы аҭыԥантәи амедицина аҭоурых аҿы уажәраанӡа иҟамлацыз раԥхьатәи абариатриатә ԥҟара мҩаԥыргеит. Абариатриатә ԥҟара, мамзаргьы абариатриа – ари мыцхәы ажькра ахәышәтәра иазкны аоперативтә метод ауп.
Аԥҟара аԥснытәии ҭырқәтәылатәии ахирургцәа еивагыланы имҩаԥыргеит. Уаанӡа аԥснытәи аҳақьымцәа Ҭырқәтәыла иҟоу аԥсуа диаспора ала иҟаҵаз адгалара иабзоураны иарбоу аоперативтә метод ала аҽазыҟаҵаразы амастер-классқәа ирҭаауан.
