Сергеи Уасил-иԥа аӡәы диламҩашьо, аҟазшьа бзиақәа змаз уаҩын. Иԥсҭазаара зегьы гәык-ԥсык ала ижәлар, иԥсадгьыл рымаҵ аура иазкын. 

Аԥсны Аҳәынҭқарра Актәи Ахада Владислав Арӡынба илихыз амҩа дацәхьамҵкәа, уи анагӡаразы аполитикатә ҟәыӷара, аҭакԥхықәра ду рыдагьы, иаҭахын агәаӷьреи агәамч дуи. 

Иара ихаан ҳаамҭазтәи Аԥсны аҭоурых аҟны иҟалеит ахҭыс ду - Аԥсны Аҳәынҭқарра ахьыԥшымреи асуверенитети жәларбжьаратәи азхаҵара аиуит. Ахә ашьара уадаҩуп Сергеи Уасил-иԥа илагаламҭа Аԥсны Аҳәынҭқарреи Урыстәылатәи Афедерациеи реидгыларатә еизыҟазаашьақәа рышьақәгылараҿы.

Иахьа Сергеи Уасил-иԥа даҳгәалаҳаршәоит ҳаҭыр дула, гәыблыла. Аԥсны аҿиареи аизҳазыӷьареи рыҟны уи илагаламҭа даара идууп. Ари иахьагьы ибзианы иргәалашәоит идгыланы аус ицызуаз. 

Сергеи Уасил-иԥа ҳгәалашәараҿы дынхоит зыжәлар рхьаа зхьааз, урҭ рымаҵ аураҟны ааԥсара ззымдыруаз аԥхьагылаҩны. Уи аԥсуа жәлар рҵеи лаша ззырҳәоз иакәын, иреиӷьу ҳаԥсадгьыл анапхгаҩцәа дыруаӡәкын. Ауаҩра, ақьиара агәра игон – арҭ аҟазшьақәа дагьрықәныҟәон. Иҭабуп ҳәа иаҳҳәоит уи азы!".