Аԥсныпресс  ацәыргақәҵа иаҭааз ауаа дрыҿцәажәеит, урҭ ргәаанагарақәа дрызҵааит.

Лиудмила Заболотнаиа ареспублика аҿы Сергеи Уасил-иԥа Багаԥшь игәалашәара иазкны аусмҩаԥгатәқәа ахьымҩаԥысуа гәахәара дула илыдылкылеит ҳәа иазгәалҭеит.

«Сергеи Уасил-иԥа Багаԥшь  Аԥсны азы илиршаз рацәоуп. Иара ижәлар рыбзиабареи ргәалашәареи даԥсахеит. Даара ҳгәы ҳнархьуеит ас еиԥш ауаҩы, анаԥхгаҩы иаамҭамкәа дахьҳаԥхаз»,- ҳәа илҳәеит лара.

«Аԥсны Аҩбатәи Ахада даара згәы ҳалалыз уаҩын, иумбар залшомызт иара иԥсадгьыли иуаажәлари реизҳазыӷьара дшашьҭоу, уи азы илшозгьы зегьы шыҟаиҵоз.  Ҳара уи игәалашәара ҳацзаауеит  есымша. Уи еиԥш иҟоу ауаа шәы-шықәса рахь знык ауп ианиуа», - ҳәа лгәаанагара лҳәеит Сариа Сангәлиа.

Ашкол аҿы аҵара зҵо аҭыԥҳа Елена Саакиан, ацәыргақәҵа ахь дааит Сергеи Багаԥшь иаҳаҭыр азы рышкол аҿы имҩаԥгаз акласстә сааҭ ашьҭахь. Лара афотосахьақәа рыҿгьы иубоит иара згәы ҭбааз уаҩны дшыҟаз, ҳәа иазгәалҭеит.

Афотоцәыргақәҵа еиҿкаахеит Аҟәа ақалақь Ахадара ала.