Фазиль Искандер – иԥсы анҭаз инаркны збаҩхатәра ду азхаҵара аиуз, аԥсуа литеатуреи асоветтә литеатуреи рҿы зҭынха ду аанзыжьыз аклассик иоуп.   

Уи ехышәшәа-еиҵышәшәа ишьақәгылаз ибызшәеи иҩышьеи рыла  миллионҩыла ауаа рыбзиабара даԥсахеит. Иара иԥсҭазааратә мҩеи ирҿиареи зегьы Иԥсадгьыл гәыкала азыҟазаара арҵабыргуеит, иара убас илаз аҟыбаҩи ахатәҟазшьареи аадырԥшуеит. Иара акы иаламҩашьоз истильи иҷыдоу ишәҟәыҩҩратә почерки ирыбзораны иҩымҭақәа ауникалра рыҵаны иаанхоит.

Ахәылԥазы аиҿкаара рхахьы иргеит Алитераторцәа Рыҩны Хадеи Москватәи Аԥсуа Диаспореи Фазиль Искандер ихьӡ зху Акультуратә Центри.