Азакәан апроект ахықәкы хаданы иҟоуп ашәахтә шәатәқәа ԥшьба – аиҿкаарақәа рхашәалахәы азы ашәахтә, иназыцҵоу ахәԥса азы ашәахтә, аиҿкаарақәа рмазара азы ашәахтә, иара убас аусдкылаҩцәеи анаплакыҩцәеи рхашәалахәытә шәахтә амыцхәрас ирмариоу ашәахтәқәҵара асистемала шәахтәк ацәырҵра», – ҳәа иҳәеит Баҭал Аиба.

Хыхь иарбаз ашәахтәқәа ашәахтәшәаҩцәа ирықәу ашәахтә қәыӷәӷәара хада шьақәдыргылоит. Убри аан, иарбоу ашәахтәқәа рыла иҟаҵатәу ашәатәқәа ииашаны рыҳасабырка азы аҳасабеилыргара аспециалистцәа рыла аҳасабеилыргаратәи ашәахтәқәҵаратәи аҳасаббара амҩаԥгара ахәҭаны иҟоуп.

«Ашәахтә шәатәқәа ԥшьба шәахтәк ала аԥсахра ашәахтәшәаҩцәа рзы иарбоу ашәахтәқәа рыла иҟаҵатәу ашәатәқәа ииашаны рыҳасабырка азы аҳасабеилыргара аспециалистцәа рыла аҳасабеилыргаратәи ашәахтәқәҵаратәи аҳасаббара амҩаԥгара аганахьала ирызцәырҵуаз азҵаарақәа рыӡбара алнаршоит. Уи, жәаҳәарада, ашәахтәқәа реизгара ахаҭабзиара ашьҭыхреи хыхь иарбоу ашәахтәқәа рнапхгараҭара иадҳәаланы ицәырҵуа ауадаҩрақәа рырмаҷреи  алнаршоит», – ҳәа иазгәаҭоуп азакәан апроект иацу аилыркаагатә шәҟәы аҿы.

Ирмариоу ашәахтәқәҵаратә система ала ишьақәыргылахо ашәахтә ақәҵа 6% рҟынӡа инаӡалоит. Ишьақәыргылоу ахашәалахәқәа рынаӡаратә ҩаӡара 5 млн. мааҭ рыла ахысраан, алимит ахысра аҩаӡара азы ишьақәыргылахо ақәҵа 8 % рҟынӡа инаӡалоит.

Ирмариоу асистема, ахәҭакахьала, иазԥхьагәанаҭоит  иарбоу ашәахтәқәҵара арежим ахь хатәгәаԥхарала аиасра, убри аан, имариоу ашәахтәқәҵара асистема ахь аиасразы ирыдгалахоит иаԥхьанеиуаз жәымз рыҩныҵҟа  20 млн. мааҭ рҟынӡа иҟоу  ахашәалахәқәа рынаӡаратә ҩаӡара ахымсра.

Ашәахтәқәҵаратә аамҭахәҭа зегьы иалагӡаны  ирмариоу ашәахтәқәҵара асистема ахархәаразы ахашәалахәқәа рынаӡаратә ҩаӡара 25 млн. мааҭ иреиҳамзароуп.  

Источник: https://apsnypress.info/ru/home/novosti/item/10104-parlament-prinyal-v-pervom-chtenii-zakonoproekt-ob-uproshchennoj-sisteme-nalogooblozheniya.

© АПСНЫПРЕСС.