Аҟәа. Жәабранмза 28, 2024 шықәса. Аԥсныпресс. Ахаша, жәабранмза 18 рзы имҩаԥысыз Жәлар Реизара-Апарламент изаамҭанытәиу ааԥынтәи асессиа аилатәара аҿы адепутатцәа «Аҟәатәи акондитертә фабрика» априватизациа иаҵанакуа аобиектқәа реиқәыԥхьаӡа алаҵареи, уи априватизациа аԥҟарақәа рышьақәырӷәӷәареи рзы» Аԥсны Аҳәынҭқарра Аминистрцәа реилазаара 2023 ш. ԥхынҷкәынмза 1 аҟнытә Ақәҵара № 140 Ақәҵара ашьақәырӷәӷәаразы аӡбамҭа рыдыркылеит.
Иара убас «Аҟәа ақалақь Аҟабардақәа рымҩа, 7 аҟны ԥасатәи атуристтә сасааирҭа «Амтҟьал» амазаратә комплекс апривтизациа иаҵанакуа аобиектқәа реиқәыԥхьаӡа алаҵареи, уи априватизациазы аԥҟарақәа рышьақәырӷәӷәареи рзы» Аԥсны Аҳәынҭқарра Аминистрцәа реилазаара 2023 шықәса ԥхынгәымза 12 аҟн. № 79 Ақәҵара ашьақәырӷәӷәаразы» аӡбамҭа рыдыркылеит.
Ажәахәҟаҵаҩ – Аекономикатә политикеи, ареформақәеи, аинформациатә технологиақәеи рзы аилак ахантәаҩы ихаҭыԥуаҩ Бадрик Ԥлиа.
Адепутатцәа «Аԥсны Аҳәынҭқарра Аминистрцәа Реилазаара Лаԥсҭарха ақыҭаҟны 1,26 га зҵазкуа адгьыл ҭыԥ «ақыҭанхамҩатә ҵакы змоу адгьыл» акатегори аҟнытә «аиланхарҭатә ҭыԥқәа рыдгьылқәа» рҵакы змоу адгьыл акатегориахь аиагара ақәиҭтәразы» Аԥсны Жәлар Реизара – Апарламент Ақәҵара рыдыркылеит. Иарбоу адгьылхәҭа анаҩс Хазхаҭалатәи Аусдкылаҩ Ԥалаванӡиа Аслан Руслан-иԥа аргыларақәа рымҩаԥгаразы изоужьхоит.
«Аԥсны Аҳәынҭқарра Аминистрцәа Реилазаара Гәылрыԥшь араион Маҷара ақыҭаҟны 1,5 га зҵазкуа адгьыл ҭыԥ «абнатә фонд аҵакы змоу адгьылқәа» ркатегори аҟнытә «аиланхарҭатә ҭыԥқәа рыдгьылқәа» рҵакы змоу адгьыл акатегориахь аиагара ақәиҭтәразы» азин арҭеит. Ари адгьыл ҭыԥ анаҩс Адинтә аиашахаҵаратә еиҿкаара «Аԥснытәи Аиашахаҵаратә Уахәама» аберҭыԥтә комплекс зцу аиашахаҵаратә уахәама аргыларазы иазоужьхоит.
Адепутатцәа Гәылрыԥшь араион Дранда аҳаблаҿы иҟоу 0,35 га зҵазкуа адгьыл аҭыԥ «ақыҭанхамҩатә ҵакы змоу адгьыл» акатегори аҟнытә «аиланхарҭатә ҭыԥқәа рыдгьылқәа» рҵакы змоу адгьыл акатегориахь аиагара ақәиҭтәразы Аԥсны Жәлар Реизара – Апарламент Ақәҵара рыдыркылеит.
Дара иара убас Гәылрыԥшь араион Ахадара 0,35 га зҵазкуа адгьыл аҭыԥ «ақыҭанхамҩатә ҵакы змоу адгьыл» акатегори аҟнытә «аиланхарҭатә ҭыԥқәа рыдгьылқәа» рҵакы змоу адгьыл акатегориахь аиагара ақәиҭтәразы иҟанаҵаз ажәалагала иақәшаҳаҭхеит..
Иақәшаҳаҭхеит иара убас Аԥсны Аҳәынҭқарра Аминистрцәа реилазаара Калдахәара ақыҭаҟны 0,35 га зҵазкуа адгьыл ҭыҧ «ақыҭанхамҩатә ҵакы змоу адгьыл» акатегориаҟнытә «аиҭашьақәыргыларатә ҵакы змоу адгьыл» акатегориахь аиагара ақәиҭтәразы» Аҧсны Жәлар Реизара – Апарламент Ақәҵара ашьақәырӷәӷәара. Иарбоу адгьы аҭыԥ анаҩс атәылауаҩ Сымсым Д. Б. ахатәы ҩны аргыларазы изоужьхоит.
Жәлар Реизара-Апаламент убасҵәҟьа ирыхәаԥшит, абжьыҭара алҵшәақәа рыла ирыдыркылеит Аԥсны Жәлар Реизара – Апарламент ақәҵарақәа: «Атауар ҭзыжьуа иҭаргало ааглыхратә ҭыжьра иазку Аԥсны Аҳәынҭқарраҟны зеиԥш ҭырмыжьуа атауарқәа, Аԥсны Аҳәынҭқарра аҳазалхратә дгьылҵакыра зҭагалара аҳазақәҵара иаҵанамкуа (ашәахтәқәҵараҟнытә ахы иақәиҭтәхоит) аӡеи аматериалқәеи реиқәыԥхьаӡа» ақәшаҳаҭразы 2023 шықәса ԥхынҷкәынмза 11 аҟнытә Ақәҵара № 146 ашьақәырӷәӷәаразы» Аԥсны Аҳәынҭқарра Аминистрцәа реилазаара Ақәҵара аԥсахрақәа ралагаларазы» Ақәҵара;
«Атауар ҭзыжьуа иҭаргало ааглыхратә ҭыжьра иазку Аԥсны Аҳәынҭқарраҟны зеиԥш ҭырмыжьуа атауарқәа, Аԥсны Аҳәынҭқарра аҳазалхратә дгьылҵакыра зҭагалара аҳазақәҵара иаҵанамкуа (ашәахтәқәҵараҟнытә ахы иақәиҭтәхоит) аӡеи аматериалқәеи реиқәыԥхьаӡа» ақәшаҳаҭразы 2016 шықәса лаҵарамза 27 аҟнытә Ақәҵара № 88 ашьақәырӷәӷәаразы» Аԥсны Аҳәынҭқарра Аминистрцәа реилазаара аԥсахрақәа ралагаларазы» Аԥсны Аҳәынҭқарра Аминистрцәа реилазаара 2023 шықәса лаҵарамза 3 аҟнытә Ақәҵара № 59 ашьақәырӷәӷәаразы Ақәҵара;
Ажәахәҟаҵаҩ – Абиуџьети, акредиттә еиҿкаарақәеи, ашәахтәқәеи, афинансқәеи рзы аилак ахантәаҩы Беслан Ҳалуашь.
