Азакәан апроект инақәыршәаны, атауарқәа раагаразы, аусурақәеи амаҵзурақәеи рынагӡаразы, иара убас аҳәынҭқарратә ҭаххрақәа рынагӡаразы  атауарқәа, амаҵзурақәа, анагӡашьақәа ҩба амоуп: аконкурентра злоуи аконкурентра злами.

Апроект аҳәынҭқарратә аидкылаахәара ареестр ҳәа иҟоу аилкаара шьақәнарӷәӷәоит.

«Аҳәынҭқарратә аидкылаахәара ареестрқәа даара акыр зҵазкуа аҵакы рымоуп, избан акәзар, урҭ ахылаԥшра, аизакра, аҳәынҭқарратә аидкылаахәара ахышәа-ҵышәеи аструктурақәеи ахәԥсақәеи ранализ аҟаҵаразы алшара аԥнаҵоит», – ҳәа иазгәаҭоуп иарбоу азакәан апроект иацыз аилыкаагатә шәҟәы.

Ибжьаҵоу аҳәынҭқарратә контрактқәа рзы аинформациа аидкылареи  аиҿкаареи рзы аҳәынҭқарратә аидкылаахәара азы ибжьаҵоу аилаӡарақәа (аконтрактқәа) рыла аҳәынҭқарратә аахәарақәа рзы аилаӡарақәа реестр шьақәыргылахоит.

Аҳәынҭқарратә аидкылаахәара азы  ибжьаҵаз аилаӡарақәа рзы адыррақәа ареестр аҭагаларазы иаку аԥҟара шьақәыргылоуп.

Апроект иара убас инамысдоу аагаҩцәа реестр азы аилкаарагьы шьақәнаргылоит.   Иарбоу ареестр  аконтракт абжьаҵара иацәхьаҵыз аахәарақәа алахәылацәа рзы адыррақәа, иара убас ибжьаҵаз аиқәшаҳаҭрақәа ӷәӷәала иахьеилагаз инамаданы аӡбарҭа азыӡба ала зусеицура аԥыху рзы адыррақәа алагалахоит.   

Аҳәынҭқарратә аидкылаахәара амҩаԥгара ахылаԥшра аҭара мҩаԥнагалоит Аконтролтә палатеи афинансқәа Рминистрра аҟны иҟоу аконтрол-ревизиатә усбарҭеи.