Уи иара убас К. Ԥлиа Ахада адырра ииҭеит афымцамч аусхк аҟны аҭагылазаашьазы. 

«2023 шықәсазы ажьырныҳәамзеи-ԥхынҷкәынмзеи рыҩныҵҟа Гал араион хархәара аҭан 88 млн кВт/с. (100 млн кВт/с - 2022 шықәсазы; 93 млн кВт/с - 2019 шықәсазы). Ари алыршахеит еиҳаракгьы 2984 цыра аԥхьаӡага мыругақәа рышьақәыргылара иабзоураны)», - ҳәа иҳәеит Константин Ԥлиа.

2024 шықәсазы хархәара змоу афымцамч азы ахәԥса ылхразы аҭагылазаашьа шеиӷьхо атәы аҳәоит ҳазҭоу ашықәс ажьырныҳәамзазы Гал араион аҟны  афымцамч 2,8 млн. мааҭ ахьахшәаау.

Ащъын06арра Ахада араион анапхгаҩы дизҵааит иӷәӷәаны иқәгылоу апроблемазы – аусурҭа ҭыԥқәа рыҟамзаара инамаданы, уи иахҟьаны ауааԥсыра араион иалҵаны ацара иахьалагаз азы.  «Изеиԥшроузеи араион аҟны аинвестициақәа рус? Иарбан усхкқәоу аинвесторцәа рԥарақәа зларгало?» - дазҵааит Аслан Бжьаниа. «Аинвесторцәа ирыбзоураны, еиҳаракгьы уи аҭыԥантәи анаплакҩцәа дуқәеи Гал араион аҟны инарыгӡо апроектқәеи рыла араион аҟны абри аганахьала аҭагылазаашьа аиӷьхара иаҿуп», иҳәеит Ԥлиа.   

Аслан Бжьаниа иара убас дазҵааит акультуреи аспорти рзы иҟоу аҭагылазаашьа зеиԥшроу.

«2023-тәи ашықәс акультуратә, аспорттә усмҩаԥгатәқәа рыла ибеиан. Акультура аҟәша ахықәкқәеи ауснагӡатәқәеи ауааԥсыра аморал-етикатә ҵас бзиақәа, аԥсуа традициақәа радԥхьалара ирызкуп»,- ҳәа азгәеиҭеит араион ахада.