Дырмит Гәлиа – аԥсуа литература ашьаҭаркҩы, апатриарх, апоет, аполитикатә усзуҩ, хашҭра иқәымқәа  аԥсуа жәлар рҭоурых аҿы даанхеит, уи аԥсуа культуреи алитературеи рыҿиара аҿы илагала ахә ашьара уадаҩуп. Аԥсны аҭоурых, акультура, абызшәа, аԥсуа жәлар рытрадициақәа, уҳәа ирызкны инапы иҵыҵыз иара иусумҭақәа аԥсуа ҩыратә литература аҿиара ауасхыр шьҭарҵеит.

Дырмит Иасыф-иԥа Гәлиа Ишықәс амҩаԥгара азы Аусԥҟа  анапаҵыҩра – иналукааша арҿиаҩы, арккаҩы ду иҭынха аҳаҭыр ақәҵареи аԥсуа культуреи алитературеи абеиарақәа зегьы еиҵагыло абиԥарақәа рзы аиқәырхара иаҵоу аҵакы ахадара агәаларшәареи ирызкуп.