Аҟәа. Жәабранмза 23, 2024 шықәса. Аԥсныпресс. Жәабранмза 23, 2024 шықәса рзы Аԥсны Аҳәынҭқарра Ахада ихаҭыԥуаҩ Бадра Гәынба ихантәаҩрала имҩаԥысит Аԥсны Аҳәынҭқарра Аҩбатәи Ахада, Аԥсны Афырхаҵа, «Ахьӡ-Аԥша» аорден I аҩаӡара акавалер Сергеи Уасил-иԥа Багаԥшь диижьҭеи 75-шықәса аҵра иазку агәалашәаратә усмҩаԥгатәқәа рымҩаԥгара азы иаԥҵоу аҳәынҭқарратә Комиссиа аилатәара.
Аҳәынҭқарра Ахада ихаҭыԥуаҩ аҳәынҭқарратә Комиссиа алахәылацәа идыргалаз ажәалагалақәа рыла, Сергеи Багаԥшь диижьҭеи 75-шықәса аҵра иазку аҳәынҭқарратә усмҩаԥгатәқәа рсиа шьақәирӷәӷәеит.
Аҳәынҭқарратә Комиссиа Аҟәа ақалақьи Очамчыра араиони Рхадарақәа иазԥхьагәарҭаз аусмҩаԥгатәқәа иақәшаҳаҭхеит.
Сергеи Уасил-иԥа Багаԥшь диижьҭеи 75-шықәса аҵра иазкны имҩаԥгахо агәалашәаратә усмҩаԥгатәқәа
Хәажәкырамза 1, 2024 шықәса рзы Очамчыра ақалақь аҿы абарҭ аныҳәатә усмҩаԥгатәқәа мҩаԥгахоит:
Асааҭ 12:10 рзы – Акультура Аҩны аҿы имҩаԥысуеит афотоцәыргақәҵа «С. У. Багаԥш – 75».
Асааҭ 12:50 рзы – 1992–1993 шш. рзы Аԥсны жәлар Рџьынџьтәылатәи еибашьра аҿы иҭахаз аибашьцәа рбаҟа амҵан ашәҭшьыҵәрақәа рышьҭаҵара ацеремониа мҩаԥысуеит.
Асааҭ 13:00 рзы – Акультура Аҩны аҿы Сергеи Уасил-иԥа Багаԥшь диижьҭеи 75-шықәса аҵра иазкны аныҳәатә еизара мҩаԥысуеит.
Хәажәкырамза 3, 2024 шықәса, асааҭ 14:00 рзы Очамчыра ақалақь аҿы С. У. Багаԥшь игәалашәара иазкны Аԥсни Ҟарачы-Черкессиати Ареспубликеи ркомандақәа рыбжьара амҵәышәмпыл азыаиҩызаратә матч мҩаԥгахоит.
Хәажәырамза 4, 2024 шықәса, асааҭ 11:00 рзы – Аҟәа араион Алада Ешыра ақыҭан Аԥсны Аҳәынҭқарра Актәи Ахада Владилав Григори-иԥа Арӡынба анышә дахьамадоу аҭыԥ аҿы ашәҭ шьыҵәрақәа рышьҭаҵара ацеремониа мҩаԥгахоит.
Асааҭ 12:00 рзы – Очамчыра араион Џьгьарда ақыҭан Аԥсны Аҳәынҭқарра Аҩбатәи Ахада имемориал амҵан ашәҭ шьыҵәрақәа рышьҭаҵара ацеремониа мҩаԥысуеит.
Асааҭ 13:00 рзы – Аҟәа ақалақь, Сергеи Багаԥшь ихьӡ зху аплошьад аҿы имҩаԥгахоит афотоцәыргақәҵа «С.У.Багаԥшь иԥсҭазаареи иусуреи».
Асааҭ 15:00 рзы – С.И.Ҷанба ихьӡ зху Аԥснытәи аҳәынҭқарратә драматә театр аҿы имҩаԥгахоит С.У.Багаԥшь игәалашәаа иазку ацәыргақәҵа.
Асааҭ 15:30 рзы – С.И.Ҷанба ихьӡ зху Аԥснытәи аҳәынҭқарратә драматә театр аҿы имҩаԥгахоит С.У.Багаԥшь дижьҭеи 75-шықәса иазку аныҳәатә хәылԥазы.
Хәажәкыра анҵәамҭа, 2024 шықәса рзы – Очамчыра ақалақь абиблиотека Хада аҿы имҩаԥгахоит С. У. Багаԥшь игәалашәара иазку ахәылԥаз.
Лаҵарамза 20, 2024 шықәса аҟынӡа – Аԥсны Аҳәынҭқарра амонументалтә ҟазара азы аҳәынҭқарратә Комиссиа ала С.У.Багаԥшь ибаҟа азы иреиӷьу апроекти иара убас уи ихьӡ зху аплошьад аиқәыршәазаареи рзы аконкурсқәа реихшьаалақәа мҩаԥгахоит.
Жәабранмза 28 инаркны лаҵарамза 20, 2024 шықәанӡа – Аԥсны Аҳәынҭқарра амонументалтә ҟазара азы аҳәынҭқарратә Комиссиа ала Очамчыра ақалақь аҿы С.У. Багаԥшь ибаҟа азы иреиӷьу апроект азы аконкурс аихшьаалақәа мҩаԥгахоит.
Нанҳәамза 26, 2024 шықәса рзы – Аԥсны Аҳәынҭқарра ахьыԥшымра жәларбжьаратәи азхаҵара Амши Сергеи Уасил-иԥа Багаԥшь амилаҭ-хақәиҭратә қәԥара, аҳәынҭқарра аргылареи Аԥсны ахьыԥшымра азхаҵареи рҿы инаигӡоз ароль иазку анаучно-практикатә конференцияа мҩаԥгахоит.
С. У. Багаԥшь дижьҭеи 75-шықәса аҵра иазкны агәалашәаратә хәылԥазқәа мҩаԥысуеит хәажәкырамза 4 рзы аҟәатәи абжьаратәи ашколқәа №№ 2, 5, 6, 10,13.
Аҳҭнықалақь абжьаратәи ашколқәа зегьы рыҟны хәажәкырамза 4 рзы ашколхәыҷқәа С.У.Багаԥшь иԥсҭазаареи иусуратә мҩеи ирызкны ахыҭҳәаа рыҩуеит.
Хәажәкырамза 4 – 8, 2024 шықәса рзы Очамчыра араион ашколқәа зегьы рҿы С. У. Багаԥшь диижьҭеи 75-шықәса аҵра инамаданы агәалашәаратә хәылԥазқәа, иара убас акласстә сааҭқәа мҩаԥыргалоит.
