Аҟәа. Нанҳәамза 8, 2025 шықәса. Аԥсныпресс. Аконкурс «Засасгәашә аарту Аԥсны» (https://welcome.abkhazia.team/) официалла ахацыркра иазкыз апресс-конференциа мҩаԥысит нанҳәамза  7 рзы амедиацентр «Sputnik Аԥсны» аҿы.

Аҟәа. Нанҳәамза 8, 2025 шықәса. Аԥсныпресс. Аԥсни Урыстәылеи аҳәаахьчаратә усбарҭақәа нанҳәамза 8 рзы Ареспублика Аԥсны амшынҵакыра аҿы ишьақәыргылоу азинтә режим агәаҭара иазкны ареид еицымҩаԥыргеит. Абри азы адырра ҟанаҵоит Аԥсны Аҳәынҭқарратә шәарҭадара Амаҵзура апресс-маҵзура.

Ареид напхгара арҭон Аԥсны иҟоу Урыстәыла Афедералтә шәарҭадара Амаҵзуреи Аԥсны Аҳәынҭқарратә шәарҭадара Амаҵзуреи рҳәаахьчаратә усбарҭақәа рнапхгаҩцәа аинрал-маиор Сергеи Шьедрини аполковник Рустам Латипови.

Аҟәа. Нанҳәамза 8, 2025 шықәса. Аԥсныпресс. Аҳәынҭқарратә шәарҭадара Амаҵзура: Шәача иахьаҵанакуа аԥырҩы дызҭам аԥырратә аппарат ажәыларақәа ирыхҟьаны аҩганктәи аиқәшаҳаҭрала аҳәынҭқарратә аԥсны-урыстәылатәи аҳәаа аҿы аушьҭра-гәаҭаратә Ҭыԥ «Ԥсоу» аамҭала иаркуп, ҳәа адырра ҟанаҵоит Аԥсны Аҳәынҭқарратә шәарҭадара Амаҵзура апресс-маҵзура.

Аҟәа. Нанҳәамза 8, 2025 шықәса. Аԥсныпресс. Аҳәынҭқарра Ахада Бадра Гәынба Ареспублика Аԥсны Ахада иҟны иҟоу анаркотикатә маҭәашьарқәа изакәанымкәа реикәыршара аҿагыларазы Ахеилак аԥҵаразы Аусԥҟа инапы аҵаиҩит.

Ахелак изакәанымкәа анаркотикатә маҭәашьарқәа реикәыршара аҿагылара аганахьала аҳәынҭқарратә политика арӷәӷәара иазырхоуп.  

Аҟәа. Нанҳәамза 8, 2025 шықәса. Аԥсныпресс. Аҳәынҭқарра Ахада Бадра Гәынба Иреиҳаӡоу аӡбарҭа уаанӡатәи ахантәаҩы, Ареспублика Аԥсны Зҽаԥсазтәыз азиндырҩы, «Ахьӡ-Аԥша» аорден  II аҩаӡара акавалер Алла Аҩӡԥҳа лиубилеи лыдиныҳәалеит, ҳәа адырра ҟанаҵоит Аҳәынҭқарра Ахада ипресс-маҵзура. 

Аҟәа. Нанҳәамза 7, 2025 шықәса. Аԥсныпресс. Аҳәынҭқарра Ахада Бадра Гәынбеи Урыстәыла Ахада Иусбарҭа аиҳабы актәи ихаҭыԥуаҩ Сергеи Кириенкои нанҳәамза 6 рзы ашколқәа рдиректорцәеи арҵаҩцәеи злахәны имҩаԥысуаз астратегиатә сессиа рхы аладырхәит, ҳәа адырра ҟанаҵоит Аҳәынҭқарра Ахада ипресс-маҵзура.  

Аҟәа. Нанҳәамза 7, 2025 шықәса. Аԥсныпресс. Аҳәынҭқарра Ахада Бадра Гәынбеи Урыстәыла Ахада Иусбарҭа аиҳабы актәи ихаҭыԥуаҩ Сергеи Кириенкои Аҟәа араион Ӡыгәҭа ақыҭан иҟоу иҿыцу атуристтә комплекс Garuda Glamping Abkhazia аинфраструктура гәарҭеит, ҳәа адырра ҟанаҵоит Аҳәынҭқарра Ахада ипресс-маҵзура.

Аҟәа. Нанҳәамза 7, 2025 шықәса. Аԥсныпресс. Аҳәынҭқарра Ахада Бадра Гәынба, Аҳәынҭқарра Ахада ихаҭыԥуаҩ Беслан Бигәааи Урыстәылатәи Афедерациа Ахада Иусбарҭа аиҳабы актәи ихаҭыԥуаҩ Сергеи Кириенко Аҟәа араион Ԥсҳәы ақыҭа иаҭааит.

Аҟәа. Нанҳәамза 7, 2025 шықәса. Аԥсныпресс.  Ростовтәи аинфраструктура ашьақәыргылақәа рмониторинги рдиагностикеи рзы Ацентр аспециалистцәа Аԥсны аихамҩатә тоннельқәа рҭагылазаашьа агәаҭара мҩаԥыргоит. Ростовтәи аспециалистцәа Аԥсны аихамҩатә тоннельқәа жәаба гәарҭараны иҟоуп. Ари ауснагӡатә мҩаԥысуеит Ареспубликатә Унитартә Наплакы «Аԥснытәи аихамҩа» атоннельқәа рҭагылазаашьа агәаҭаразы иҟанаҵаз аҿаҵа инақәыршәаны, ҳәа адырра ҟанаҵоит АУН «Аԥсны Аихамҩа» апресс-маҵзура.

Аҟәа. Нанҳәамза 8, 2025 шықәса. Аԥсныпресс. Аҟәа ақалақь Ахадара аусдкылаҩцәа рыцхыраарала Пушкин имҩала инагоу ашьаҟамҩатә зона арҿыцра иадҳәалоу аусурақәа хацнаркит. Аграниттә хҟьа змоу ахаҳәцәы ала ашьаҟамҩақәа рчаԥоит, аҩ-ганк рыла ацәхыԥқәа рыԥсахуеит, ҳәа адырра ҟанаҵоит аҳҭнықалақь Ахадара апресс-маҵзура.