Items filtered by date: Амҽыша, 14 Лаҵара 2023

Аҟәа. Лаҵарамза 14, 2023 шықәса. Аԥсныппресс. Аԥсны раԥхьатәи Ахада Владислав Арӡынба игәалашәара иазкыз иаарту ашәқәа Рымш мҩаԥыргеит Аҟәа, Ахьӡ-Аԥша амузеи аҟны. Арахь иааргеит Очамчыра араион ԥшь-школк рҵаҩцәа.

Амузеи аусзуҩцәа Баслахә, Мықә, Тамшь, Аӡҩыбжьа ақыҭақәа рҟнытә ашколхәыҷқәа ирзеиҭарҳәеит 1992-1993 шықәсқәа рзы Аԥсны жәлар Рџьынџьтәылатә еибашьра ахҭыс хадақәа, амузеи аекспонатқәа ддырбеит, урҭ рахьтә ихадароу – Раԥхьатәи Ахада иавтомашьына «Волга».

Абарҭқәа рышьҭахь ашколхәыҷқәа Ешыра ақыҭан иҟоу Владислав Григори-иԥа Арӡынба инышәынҭраҿы ашәҭқәа шьҭарҵеит.

Аҟәа. Лаҵарамза 14, 2023 шықәса. Аԥсныпресс. Иахьа, лаҵарамза 14 рзы, Аԥсны Аҳәынҭқарра Актәи Ахада, «Ахьӡ-Аԥша» аорден  I аҩаӡара занашьоу, Аԥны Афырхаҵа Владислав Арӡынба диижьҭеи 78 шықәса аҵра амш инамаданы Алада Ешыра ақыҭаҿы Амемориал аҟны ашәҭқәа рышьҭаҵара иазкыз аусмҩаԥгатә мҩаԥысит.

Сухум. 14 мая 2023. Апсныпресс.  Сегодня, 14 мая, первому Президенту Абхазии Владиславу Ардзинба исполнилось  бы 78 лет.

Предлагаем вниманию наших читателей интервью и выступление Ардзинба из архива Апсныпресс 1998 – 1999 гг.

***

Признание Абхазии как государства – это вопрос времени

В связи с празднованием пятой годовщины со дня начала миротворческой миссии Коллективных сил СНГ по поддержанию мира  в зоне грузино-абхазского конфликта 23 июня 1999 г. Президент Абхазии Владислав Ардзинба дал пресс-конференцию для абхазских и российских средств массовой информации.

Аҟәа. Лаҵарамза 14, 2023 шықәса. Аԥсныпресс. Маи 14 – иналукааӡаша аҳәынҭқарратә, аполитикатә усзуҩ, ҳаамҭазтәи Аԥсуа ҳәынҭқарра ашьаҭаркҩы, Аԥсны Аҳәынҭқарра Раԥхьатәи Ахада, аҵарауаҩ-мрагылараҭҵааҩ ду Владислав Григори-иԥа Арӡынба имшира ауп. Иԥсы ҭазҭгьы, иахьа ихыҵуан 78 шықәса.

Шьыжьы инаркны Владислав Григори-иԥа ҳаҭырла дыргәаладыршәарц, анышә дахьамадоу ашәҭ шьыҵәрақәа шьҭарҵарц азы иқыҭа гәакьа аҿы иҟоу Имемориал ахь инеиуеит хыԥхьаӡара рацәала ауаа. 

Аԥсны анапхгара Ешыра иҟоу Аԥсны Раԥхьатәи Ахада Владислав Арӡынба Имемориал аҟны ашәҭқәа шьҭарҵеит. Уи игәалашәара ҳаҭыр ақәырҵарц уахь инеит Аԥсны Ахада Аслан Бжьаниа, уи ихаҭыԥуаҩ Бадра Гәынба, Жәлар Реизара Аиҳабы Лаша Ашәба, Аԥсны иҟоу Урыстәыла ацҳаражәҳәаҩ Михаил Шургалин, Жәлар Реизара адепутатцәа, Аиҳабыра иалоу, атәыла ауаажәларратәи аполитикатәи усзуҩцәа.

Владислав Григори-иԥа Арӡынба диит 1945 шықәса маи 14 азы Аҟәа араион Ешыра ақыҭан. Абра имҩаԥысит уи ихәыҷра, ишколшықәсқәа.

1962 - 1966 шш. Владислав Арӡынба Аҟәатәи аҳәынҭқарратә педагогикатә институт, аҭоурыхтә факультет аҿы аҵара иҵон. Уи даналга ашьҭахь  Асовет Еидгыла анаукақәа Ракадемиа Мрагылараҭҵаара Аинститут аспирантура дҭалеит.  Аспирантура қәҿиарала даналга ашьҭахь, Владислав Арӡынба иара убри аинститут аҿы  1969 шықәса инаркны 1988 шықәанӡа аус иуан. Азиа Маҷ акультуреи аҭоурыхи, ахәҭакахьала ахатқәеи ахеттқәеи рыҭҵаара инапы алакын. 1985 шықәсазы иара адоктортә диссертациа ихьчеит, 1987 шықәсазы Асовет Еидгыла Анаукақәа Ракадемиа Ажәытә Мрагылара акультуреи аидеалогиеи рсектор анапхгаҩыс дҟаҵан.

Владислав Арӡынба 40 инареиҳаны анаукатә усумҭақәа дравторуп, амонографиа «Ажәытә Анатолиа амифқәеи ақьабзқәеи» уахь иналаҵаны.

Владислав Григори-иԥа Арӡынба – асоветтә, аԥсуа аҳәынҭқарратә, аполитикатә усзуҩ, аҭоурыхтә ҭҵаарадыррақәа рдоктор, СССР жәлар рдепутат, Аԥсны Аҳәынҭқарра Раԥхьатәи Ахада – ҳаамҭазтәи аԥсуа ҳәынҭқарра ашьаҭаркҩы.

1988 шықәсазы Владислав  Арӡынба Д.Гәлиа ихьӡ зху абызшәеи алитературеи аҭоурыхи ринститут адиректорс далырхуеит. Иара убри ашықәсан иара Аԥсны Иреиҳаӡоу Асовет адепутатс далырхуеит, 1989 шықәсазы - Асоветтә Социалтә Республикақәа Реидгыла Иреиҳаӡоу Асовет адепутатс далххоит. Уаҟа иара автономтә еиҿкаарақәа рҳәынҭқарратәи рзинтәи астатус азы акомиссиеиҵа напхгара аиҭон, Асовет Еидгыла Иреиҳаӡоу Асовет Апрезидиум алахәылас дҟалеит.