433-ҩык аԥсуа тәанчахәы мацара ауп ироуа, 1900-ҩык – аԥсуа тәанчахәы еиԥш аурыс тәанчахәгьы роуеит.
2022 шықәсазы ахархәара зауз афымцамч азы ауал 54 млн 730 нызықь мааҭ рҟынӡа инаӡеит, уахь иаҵанакуеит:
Хазхаҭалатәи ахаҿқәа рҟынтәи – 53 млн 739 нызықь мааҭ,
Аиуристтә хаҿқәа рҟынтәи – 991 нызықь мааҭ.
Иааизакны араион аҿы афымцамч ахархәара азы ашәатәқәа реизгара 2022 шықәсазы 20, 2 % рҟынӡа инаӡон.
Ҭҟәарчал араион аҿы 19 121 гектар ақыҭынхамҩатә зкызаара змоу адгьыл ыҟоуп, уи аҟынтәи ахархәара змоу 8000 гектар ауп, егьи – бнароуп, ӡбаароуп.
Араион аҿы аус руеит ақыҭанхамҩатә наплакқәа хԥа, урҭ 52 гектар адгьыл иахьаҵанакуа ацитрустә шәырқәа рааӡара иаҿуп.
Ақыҭанхамҩа аҿиара азы аҳәынҭқарратә Программа ала 2022 шықәсазы араион аҿы инагӡан ақыҭанхамҩатә проектқәа хәба, урҭ рхарџьынҵа 16 млн 278 нызықь мааҭ рҟынӡа инаӡоит.
2020 – 2022 шш. Аинвестициатә Программа аҳәаақәа ирҭагӡаны араион аҿы иазԥхьагәаҭаз ауснагӡатәқәа быжьба рҟынтәи инагӡан ҩба. Урҭ рхарџьынҵа 13 млн 856 нызықь мааҭ рҟынӡа инаӡоит.
