10-ноября-2022

АСЛАН БЖЬАНИА ҨЫ-ШЫҚӘСЕИ БЖАКИ РЫЛА АТӘЫЛА АХАДАС ИҞАЗААРА ААМҬА ИҬАГӠАНЫ ИМҨАԤГАЗ АУСУРА АЗЫ АҲАСАБЫРБА ҞАҴО ДЫҚӘГЫЛОИТ.

Аҟәа. Абҵарамза 10, 2022 шықәса. Аԥсныпресс.  Аҳәынҭқарра Ахада Аслан Бжьаниа ҩы-шықәсеи бжаки рыла, атәыла Ахадас иҟазаара аамҭа иҭагӡаны имҩаԥгаз аусура азы аҳасабырба ҟаҵо дықәгылоит. Аҳәынҭқарра Ахада иҟаиҵаз аилыркаарақәа рыла, Урыстәылантәи афымцамч аашьҭра аанкылан иазԥхьагәаҭаз аҽҳәара 15 мшы шыбжьаз, убри иахҟьаны ацәаҳәа аҟны ианаамҭаз аиҭашьақәыргыларатә усурақәа рынагӡара залмыршахеит.

«Афымцамч аҿыхра  аграфик алагалара, ари зда ԥсыхәа ыҟам усуп» ,- ҳәа иҳәеит Аслан Бжьаниа. 

Аҳәынҭқарра Ахада атәыла Анапхгара ала  аҳәынҭқарра арратә шәарҭадара аизырҳара азы ихымԥадатәиу ауснагӡатәқәа зегьы мҩаԥнагоит ҳәа инаҵшьны иазгәеиҭеит. 

Иара убас Аслан Бжьаниа иҟаиҵаз адыррақәа рыла, аҳәаанырцәтәи аинвесторцәа Аԥсны ахь ихьаԥшуа иалагеит. Уи азыӡырҩцәа Аԥсны иҟоу амшынтә баӷәазақәа ҩбеи атранзиттә лшарақәеи ртәы ргәалаиршәеит.

Уи иажәақәа рыла, хазхаҭалатәи аинвестициақәа ралагалара иабзоураны, ареспублика араионқәа жәпакы рҿы аинвестициатә проект дуқәа рынагӡара алыршоуп, иара убас атуристтә обиектқәа аартуп.


Прочитано 1094 раз Последнее изменение 12.11.2022
Image
Image
Image
Image
Информационное Агентство "АПСНЫПРЕСС" (РГУ "АПСНЫМЕДИА") © 2024
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых аудио-, фото- и видеоматериалов, размещенных на сайте, допускается только с разрешения правообладателя и ссылкой на www.apsnypress.info.