Аҟәа. Ԥхынҷкәынмза 6, 2023 шықәса. Аԥсныпресс. Аԥшьаша, ԥхынҷкәынмза 7 рзы имҩаԥысраны иҟоу Жәлар Реизара-Апарламент аилатәара амшхәаԥштә иалагалоуп 18 зҵаара.
Адепутатцәа актәи аԥхьараҿы иахәаԥшраны иҟоуп абарҭ азакәан апроектқәа:
«2024 шықәсазы Ареспубликатә биуџьет азы»;
«Аԥсны арепатриациа Афонд 2024-тәи ашықәс азы абиуџьет азы»,
«Ареспублика Аԥсны асоциалтә бгаԥсеи аџьа ахьчареи рзы Афонд 2024-тәи ашықәс азы абиуџьет азы»,
«Ареспублика Аԥсны Амҩатә Фонд 2024-тәи ашықәс азы абиуџьет азы»,
«1992-1993 шш. Аԥсны жәлар Рџьынџьтәылатәи еибашьра аинвалидцәа рзы Аҳәынҭқарратә абиуџьетнҭыҵтәи Афонд 2024-тәи ашықәс азы абиуџьет азы»,
«Ареспублика Аԥсны Атәанчаҩратә Фонд 2024-тәи ашықәс азы абиуџьет азы»,
«Ареспублика Аԥсны ихымԥадатәиу амедицианатә бгаԥса азы Афонд 2024-тәи ашықәс азы абиуџьет азы».
Жәлар Реизара-Апарламент административтә зинеилагарақәа рзы аусқәа рыӡбареиҿкаара азы Ареспублика Аԥсны Азакәанеидкыла, Атәылауаҩратә Закәанеидкыла, иара убас «Ареспублика Аԥсны аҳәаанырцәтәи атәылауаа рзинтә ҭагылазаашьа азы», «Аӡбаратә мчра азы», «Аникотин злоу аалыҵқәеи урҭ злашьақәгылоу ахәҭақәеи аелементқәеи рхархәара азы ахархәагақәа реиҭарсра аҭышәынтәалара азы», «Аҳәынҭқарратә баџь азы», «Атәылауаҩратә ҭагылазаашьазы ашәҟәынҵақәа рзы» азакәанқәа аиҭакрақәа ралагалара азԥхьагәанаҭоит.
Аиҭакрақәа алагалахароуп иара убас акриптовалиута арҳара иадҳәалоу азинеилагарақәа рҿагылара иазку Аԥсны азакәаншәҟәқәагьы.
Амшхәаԥштә иара убас «Ареспублика Аԥсны атәылауаа рсоциалтә маҵзура ашьаҭақәа рзы» азакәан апроект ахәаԥшрагьы алагалоуп.
