Аиԥылара аҳәаақәа ирҭагӡаны, аганқәа аусҭҵаара аусбарҭақәа, аӡбарҭақәа рҟынтәи зыҽӡаны иҟоу ауаа рыԥшаара, иара убас анаркотикатә маҭәашьарқәа рыларҵәара аҿагылара аганахьала акомплекстә усмҩаԥгатәқәа реицымҩаԥгара иадҳәалоу азҵаарақәа ирылацәажәеит.  

Ҷыдала ахшыҩзышьҭра аҭан Урыстәылатәи Афедерациа Ахада Владимир Путин Иусԥҟа ала афедералтә ҵакыра «Сириус» аҿы имҩаԥысраны иҟоу зымҽхак ҭбаау  ахҭыс – Адунеизегьтәи аҿар Рфестиваль амҩаԥгараан наҟ-ааҟ азинхьчаҩцәа русеицура аиҿкаара азҵаарақәа.   

Аганқәа иара убас ирылацәажәеит егьырҭ азҵаарақәагьы, аҩ-ҳәынҭқаррак рхылаԥшырҭақәа рыбжьара уажәы иҟоу аусеицура аҩаӡара ахәшьара бзиа арҭеит.