Еиуеиԥшым атәылақәа рҿы ари абзиабара зыбжьоу ауаа Рымшныҳәа азгәаҭара иадҳәаланы рхатәы традициа рымоуп.   Убас, иаагозар, Уелс аныҳәа аламҭалазы бзиа еибабо  амҿы иалхны иҟарҵоит амҳаҵәқәа, анаҩс урҭ агәы, асаԥаҭ, ацаԥха, иара убас еиуеиԥшым акомпозициақәеи рсахьала иҩычаны еимырдоит. Уелс ацәанырра зыбжьоу ауаа ари аҩыза аҳамҭа еимырдазар, уи «Уара сгәы ацаԥха уԥшааит» ҳәа ауп иаанаго. 

Адунеи аҿы зегьы раԥхьаӡа иҟаҵаз «Валентинка» ҳәа изышьҭоу асахьамҭаны иԥхьаӡоуп    1415 шықәсазы лондонтәи ақалақь Тауер аҟынтәи агерцег Карл Орлеантәи иԥшәмаԥҳәыс лахь иишьҭыз ажәеинраала.

Аиталиаа жәабранмза 14 ихаау мшуп ҳәа ирыԥхьаӡоит, урҭ ари амш аҽны ачыс хаақәеи аконфетқәеи ҳамҭас еимырдоит. «Валентинка» ҳәа изышьҭоу» ацҳамҭақәа шьҭахьҟа изыхнымҳәуа, изышьҭыз ихьӡи ижәлеи анымҵакәа, агәилԥшшәы змоу аконверт иҭаҵаны ирышьҭуеит.

Даниа абжьааԥны ирҩоу ашәҭ шкәакәақәа еимырдоит, Испаниа акәзар, ацәанырра аарԥшра азы иреиҳау ҩаӡараны иԥхьаӡоуп аԥошьҭатә ҳәыҳә иацны абзибаратә цҳамҭа анашьҭра.  

Ҳара ҳҿы ишԥаҟоу?

Аԥсны иаартны уцәаныррақәа ртәы аҳәара аԥуп ҳәа узҳәом. Ари амш аҽны абжьааԥны еиԥш ҳамҭас еимырдоит ахаа-мыхаақәа, ашәҭқәа, «Валентинка» ҳәа изышьҭоу асахьамҭақәа. Ари абзиабареи гәыкала азыҟазаареи ртәы аҳәара мацара адагьы, ус, ахшыҩзышьҭра, агәцаракра  аарԥшра ауп аиҳарак изызку. Аԥсышәала абзиабаразы аҳәамҭа «Сара бзиа бызбоит» жәа-жәала ишиашоу еиҭаугозар, уи ибзианы бызбоит, даҽакала иуҳәозар, сылаҿы бааиуеит ҳәа ауп иаанаго. 

Ишыҟазаалакгьы, иарбан бызшәалазаалакгьы, абзиабареи, гәыкала азыҟазаареи аҳаҭырқәҵареи аазырԥшуа  аҳәамҭеи ахымҩаԥгашьеи зегьы гәхәарыла ирыдыркылоит.  Аныҳәа шәадныҳәалаз, аҩызцәа! В любом случае, услышать признание в любви приятно на любом языке. С праздником, друзья!     Прочитано 34 раз. Последнее изменение 14.02.2024.

Аҧсыцқьа  Валентин Имш азы аҳамҭақәа

Источник: https://www.apsnypress.info/ru/home/novosti/item/9869-luchshee-vremya-dlya-neozhidannykh-priznanij-v-lyubvi-kak-otmechayut-den-svyatogo-valentina-v-raznykh-stranakh.

© АПСНЫПРЕСС.