Ареспублика Аԥсны адәныҟатәи аусқәа Рминистрра аколлектив ишәзааигәоу ауааи Шәареи гәык-ԥсыкала ишәзеииӷьаршьоит агәабзиара, агәамч, аизҳазыӷьара, аԥсуа ишықәснҵыра ду!» - ҳәа иаҳәоит адныҳәалараҿы.
05.Жәабран.2024
Аԥсны адәныҟатәи аусқәа Рминистрра аколлектив Игорь Ахба ииублеи идырныҳәалеит.
Аҟәа. Жәабранмза 5, 2024 шықәса. Аԥсныпресс. Иахьа, 75-шықәса ихыҵра азгәеиҭоит аԥсуа дипломат, Урыстәылатәи Афедерациаҿы раԥхьатәи Аԥсны ацҳаражәҳәаҩ, «Ахьӡ-Аԥша» аорден II, III аҩаӡара акавалер Игорь Ахба.
Адәныҟатәи аусқәа Рминистрра аколлектив аиубилиар идныҳәалеит, ҳәа адырра ҟанаҵоит Адәныҟаполитикатә Хылаԥшырҭа апресс-маҵзура.
«Ишәыдышәкыл Аԥсны адәныҟатәи аусқәа Рминистрра аколлектив ахьӡала Шәара шәира Амш инамаданы гәык-ԥсыкала иҟаҵоу адныҳәаларақәа!
Даара иҳаракны ахә ҳшьоит аԥсуа дипломатиа ашьақәгылараҿы Шәара шәлагала, зыҩаӡара ҳараку шәзанааҭдырреи шәус гәк-ԥсыкала азнеиреи.
Шәара еиҵашәааӡеит иахьагьы Зыԥсадгьыл амаҵ азызуо иакымкәа-иҩбамкәа адипломат ҿарацәа рабиԥара.
