Иҳаҩсыз ашықәсқәа рзы имҩаԥысуаз алхратә кампаниақәа раан русура аԥышәа аихшьаалақәа ҟаҵо, Алхратә Комиссиа Хада Апарламент ахь «Ареспублика Аԥсны Ахада иалхрақәа рзы» иҟоу азакәан аиҭакрақәак ралагалара азы ажәалагала ҟанаҵеит.
Аиԥылара иалахәыз, ахәҭакахьала, алхратә биуллетень аҿы аграфа «Аӡәгьы далысхӡом» ахархәарала алхрақәа реихшьаалақәа рыҟаҵара, алхрақәа рахь иааз алхыҩцәа рхыԥхьаӡара анаӡаратә ҩаӡара алкаара, уҳәа иҟоу азакәан иалоугалар зылшо ариашарақәа ирылацәажәеит.
