Аҟәа. Ажьырныҳәамза 23, 2024 шықәса. Аԥсныпресс. Урыстәылатәи атеатрқәа апрограммақәа «Агастроль дуқәа», «Ҳара-Урыстәыла» аҳәаақәа ирҭагӡаны Аԥсныҟа иаараны иҟоуп. Абри атәы л-Telegram-канал аҿы илҳәеит Урыстәыла акультура аминистр Ольга Лиубимова.
«273 театри 65 рҿиаратә коллективқәеи ҳара 2024 шықәсазы иазԥхьагәаҭаны иҳамоу Урыстәылазегьтәи агастрол-концерттә план иалахәхараны иҟоуп. Апрограммақәа «Агастроль дуқәа», «Ҳара-Урыстәыла» аҳәаақәа ирҭагӡаны артистцәа ирҭаараны иҟоуп Аԥсны, Ермантәыла, Ҟазахсҭан 283 қалақьи аиланхарҭатә пунктқәеи», – ҳәа илҳәеит Ольга Лиубимова.
Ольга Лиубимова иҟалҵаз адыррақәа рыла, апрограмма иацлеит даҽа 50 иҿыцу атеатрқәа. Урҭ рхыԥхьаӡараҿы иҟоуп Станиславскии Немирович-Данченкои рыхьӡ зху Амузыкатә тетар, М.Н. Ермолова лыхьӡ зху Фергантәи аобласттә аурыс драматә театр, Н.М. Загурски ихьӡ зху Иркутсктәи аобласттә музыкатә театр, иара убас Калмыктәи акьанџьақәа ртеатр «Џьангар», уҳәа убас егьырҭгьы.
