Динара Смыр лажәақәа рыла, Алеқсандр Шервашиӡе-Чачба иусумҭақәа акгьы еиқәымхаӡеит, зегьы амца иалаблит.
Еиқәырхаз аусумҭақәа Аԥсуа театр ареквизиттә зал аҿы ишьҭаҵоуп. Урҭ ирыхәаԥшраны иҟоуп ареставраторцәа.
21.Ажьырныҳәа.2024
150 рҟынӡа асахьақәа еиқәхеит ацәыргақәҵатә зал Хада аҿы иҟалаз абылра аҿы.
Аҟәа. Ажьырныҳәамза 21, 2024 шықәса. Аԥсныпресс. 150 рҟынӡа асахьақәа еиқәхеит Аԥснытәи асахьаҭыхыҩцәа Реидгыла Ацәыргақәҵатә зал Хада аҿы иҟалаз абылра аҿы, ҳәа «Абаза-ТВ» акорреспондентцәа дрыҿцәажәо илҳәеит Аԥсны акультура аминистр инапынҵақәа назыгӡо Динара Смыр.
Уи Виктор Шьеглов, Хәыта Аҩӡба, Сергеи Сангалов, Сергеи Габелиа, Висарион Ҵәыџьба, уҳәа егьырҭ асахьаҭыхыҩцәа рҭыхымҭақәа роуп.
