Аӡиа Риҵа аҿы ишьҭалаз асы аҿыгҳара 25-30 сантиметр рҟынӡа инаӡоит.
«Амҩа цқьоуп, атранспорт зегьы зхалоит, аха уи хымԥада аӡынтәи агьежьхарԥала еиқәыршәазароуп», – ҳәа инаҵшьны иазгәеиҭеит Адамыр Багаҭелиа.
16.Ажьырныҳәа.2024
Ауадҳара ишьҭалаз асы аҿыгҳара 1,8 метр рҟынӡа инаӡоит.
Аҟәа. Ажьырныҳәамза 16, 2024 шықәса. Аԥсныпресс. Ажьырныҳәамза 1, 2023 шықәса инаркны Ауадҳараҟа амҩа аркуп. Уаҟа ишьҭалаз асы аҿыгҳара уажәы 1 метр 80 сантиметри рҟынӡа инаӡоит. Абри азы Аԥсныпресс ахь адырра ҟаиҵеит Риҵатәи ареликтә милаҭтә парк адиректор Адамыр Багаҭелиа.
Уи иажәақәа рыла, Ауадҳара уажәы асы ауеит.
«Асыԥса алеира азы ашәарҭара ахьыҟоу инамаданы, уахь уажәазы амҩа аркуп», - ҳәа иҳәеит Адамыр Багаҭелиа.
