Аинаугурациа иазку ацеремониа аҿы Бадра Гәынба Аԥсны Аҳәынҭқарра Ахада Аслан Бжьаниа иҟынтәи адныҳәаларатә шәҟәы даԥхьеит.
«Ҳаҭыр зқәу Алан Едуард-иԥа, Аахыҵ Уаԥстәыла Ахада имаҵураҭыԥ аофициалла ахагылара шәыдысныҳәалоит.
Алхрақәа рылҵшәақәа – ари Ареспублика ажәлар Шәара иалышәхыз акурс адгылара шарҭо арҵабыргуеит. Агәра ганы сыҟоуп, Аҳәынҭқарра Ахада имаҵураҭыԥ аҿы шәара атәыла арӷәӷәара, атәылауаа реизҳазыӷьара ишазкхо.
Аԥсны Аҳәынҭқарреи Аахыҵ Уаԥстәылеи рыбжьара аимабзиаратә еизыҟазаашьақәа рыбжьоуп. Ҳара ҳаиашьаратә жәларқәа акыр аԥышәарақәа ирхысит.
Агәра ганы сыҟоуп Шәара шәнапхгарала ҳара ҳҳәынҭқаррабжьаратәи аусеицура еиҳа ишыҿиало, ҳтәылақәа рыжәларқәа реизҳазыӷьара иазырхоу апотенциал аизырҳара шалыршахо.
Ҳаҭыр зқәу Алан Едуард-иԥа, гәык-ԥсыкала ишәзеиӷьасшьоит Аахыҵ Уаԥстәыла Ареспублика аҿиареи аҭакзыԥхықә усураҿы ақәҿиарақәеи.
