Аҟәа. Ажьырныҳәамза 9, 2024 шықәса. Аԥсныпресс. Аԥснытәи ашьапылампыласҩы, гәдоуҭатәи «Риҵа» ааӡамҭа, Апрфессионалтә шьапылампылтә Клуб «Динамо» (ақ. Ставрополь) ижәыло абжахьчаҩ Лука Багаҭелиа Воронеж ақалақь ахь ахәаԥшразы ааԥхьара иоуит. Лука Багаҭелиа урыстәылатәи иԥхьагылоу алига аклуб «Факел» дацны Ҭырқәтәылаҟа актәи аизгарақәа рахь дцоит. Абри азы адырра ҟанаҵоит аҿари аспорти русқәа рзы аҳәынҭқарратә Еилакы аофициалтә саит.
«Аԥхынтәи аизгарақәа раан ҳара ҳкомандеи акоманда «Ахмати» рыбжьара аиҩызаратә матч мҩаԥган. Грозныи ақалақь аҟынтәи акоманда азыҟаҵаҩ хадас усҟан дыҟан Сергеи Ташуев. Уи ицхырааҩ Виачеслав Молчанов ахәмарра ашьҭахь даасыдгылан ус иҳәеит: «Ҳара уара уаҳгоит». Анаҩс Сергеи Ташуеви Виачеслав Молчанови аклуб «Факел» ахь ииасит, аха сыхәмарра иазҿлымҳан. Сара аҭакԥхықәра шсыду сдыруан, аматчқәа зегьы рҿы исымоу астиль сҽақәыршәаны изласылшоз ала акоманда азы ибзианы, схәарҭаны сҟаларц азы ахәмарра сҽазысшәон. Сыгәра згаз ахәмарыҩцәа, азыҟаҵаҩцәа, аспорт абзиабаҩцәа, уҳәа зегьы рзы исылшоз ала сықәԥон. Аааԥхьара аиашазы даараӡа гәахәара дула исыдыскылеит. Аизгарақәа ажьырныҳәамза 9 рзы иалагоит, сара сҿаԥхьа ахықәкы ҳаракқәа ықәсыргылоит. Даара сгәыӷуеит сыгәҭакқәа рынагӡара сылшап ҳәа», – еиҭеиҳәеит Лука Багаҭелиа.
Иара ишеиҭеиҳәаз ала, Ставрополь ақалақь аҿы иара адгылара иоуит.
«Араҟа рыхәмарҩцәа акыр иреиҷаҳауеит. Сара иҭабуп ҳәа расҳәоит анапхгараҭара, азыҟаҵаҩцәа рыштаб акоманда аперсонал зегьы, аспорт абзиабаҩцәа. Шәара зегьы ишәыбзоураны сара апрофессионалтә ҩаӡара аҿы схы аарԥшра азы алшара шьахә соуит», - ҳәа иҳәеит Лука Багаҭелиа.
Ставрополь ақалақь аҿы иҟоу Урыстәыла 2-тәи алига аклуб «Динамои» Лука Багаҭелиеи аконтракт рыбжьарҵеит жәабранмза, 2023 шықәсазы.
2022 шықәсазы Лука Багаҭелиа Ашьапылампылтә Клуб «Риҵа» аилазаараҿы ашьапылампыл азы Аԥсны Ахраҿа агареи ачемпионреи иҽаԥсаитәит, иара убас иара ачемпионат иреиӷьу абжахьчаҩ ҳәа далкаахеит
