Абри аныҳәа лаша алԥха агымзааит ҳ-Аԥсны. Иҟазааит аҭаацәарақәа рҿы зехьынџьара аҭынчра, анасыԥ, ахирра!
Ҽаанбзиала шәнеиааит! Қьырса алԥха шәымазааит!»
07.Ажьырныҳәа.2024
Аҳәынҭқарра Ахада Аслан Бжьаниа Аԥсны аиашахаҵаратә дин ныҟәызго ақьырсианцәа зегьы Қьырса ныҳәа рыдиныҳәалеит.
Аҟәа. Ажьырныҳәамза 07, 2024 шықәса. Аԥсныпресс. Аԥсны Аҳәынҭқарра Ахада Аслан Бжьаниа Аԥсны жәлар Қьырса ныҳәа лаша рыдиныҳәалеит.
Адныҳәалараҿы, ҷыдала, иҳәоуп:
«Акыр иаԥсоу ҳауаажәлар!
Гәахәарала ишәыдысныҳәалоит Иаса Қьырса Иира амш, Қьырса ныҳәа. Ари амш Аҿыхҩы ауаа агәнаҳақәа рыҟнытә рҿыхреи, наӡаӡа аԥсҭазааразы ириҭо агәыӷреи ирсимволуп. Абри аҽны анцәахаҵара иаша ныҟәызго ақьырсианцәа аныхақәа ирҭаауеит Ииз Қьырса имҵахырхәарц.
Иаса Қьырса Иира аныҳәа иацны иааиуеит аиҭакрақәа, аус бзиақәа рынагӡарахь иҳаԥхьоит. Иахьа адунеи аҿы имҩаԥысуа аибашьрақәа, аԥсабаратә рыцҳарақәа иҳарҳәоит аиқәхаразы, аидгыларазы, арыцҳаибашьаразы Анцәа ихаҵара иамоу аҵакы.
